ٶتكەن تەۋلٸكتە كوروناۆيرۋس ينفەكتسيياسىن جۇقتىرعان 2 505 ادام تٸركەلدٸ. سٶيتٸپ, رەسمي دەرەك بويىنشا, بىلتىرعى ناۋرىزدان بەرٸ بۇل دەرتپەن اۋىرعاندار سانى 353 140 ادامعا جەتتٸ. بٸراق كٶپ ساراپشى كٶرسەتكٸش بۇدان ەلدەقايدا جوعارى دەپ بولجايدى.
دەنساۋلىق ساقتاۋ مينيسترلٸگٸنٸڭ دەرەگٸ بويىنشا, بەيسەنبٸدە Covid-تەن 22 كٸسٸ كٶز جۇمعان, جالپى ٸندەت كەلگەلٸ بەرٸ وسى اۋرۋ سالدارىنان 4 039 ادام قايتىس بولدى.
بۇل دەرتتەن بٸر تەۋلٸكتە 2 704 ادام جازىلدى.
13 مامىردا قازاقستاندا "كوۆيدتەكتەس پنەۆمونيياعا" شالدىققان جەنە 130 ادام تٸركەلدٸ. كلينيكالىق بەلگٸلەرٸ كوروناۆيرۋس ينفەكتسيياسىنا ۇقسايتىن, بٸراق پتر سىناعى تەرٸس نەتيجە كٶرسەتكەن مۇنداي اۋرۋلاردى مينيسترلٸك بىلتىرعى تامىزدان بەرٸ بٶلەك ساناپ كەلەدٸ ەرٸ ول Covid-پەن اۋىرعانداردىڭ جالپى ستاتيستيكاسىنا قوسىلمايدى. رەسمي مەلٸمەت بويىنشا, "كوۆيدتەكتەس پنەۆمونييامەن" بارلىعى 54 014 ادام اۋىرعان, 852 ادام قايتىس بولعان (بەيسەنبٸدە بٸر ناۋقاس كٶز جۇمدى).
15 مامىرداعى مەلٸمەت بويىنشا, قازاقستاندا 39 316 ادام كوروناۆيرۋس ينفەكتسيياسىنان ەمدەلٸپ جاتىر, (ونىڭ ٸشٸندە "كوۆيدتەكتەس پنەۆمونييا" دا بار). وسى كٷنٸ 14 033 ناۋقاس ستاتسيوناردا, قالعاندارى ٷيدە ەم الىپ جاتىر. 798 ادامنىڭ جاعدايى اۋىر, 185 پاتسيەنتتٸڭ جاعدايى ٶتە اۋىر, ال 107 ناۋقاس ٶكپە جەلدەتكٸش اپپاراتىنا قوسىلعان.
دەنساۋلىق ساقتاۋ مينيسترلٸگٸنٸڭ مەلٸمەتٸ بويىنشا, كوروناۆيرۋس ەكپەسٸنٸڭ بٸرٸنشٸ بٶلٸگٸ 1 800 146 ميلليون ادامعا, ال ەكٸنشٸسٸ 743 مىڭ 886 ادامعا سالىنعان. قازاقستاندا نەگٸزٸندە رەسەيدە ەزٸرلەنگەن (قاراعاندى قالاسىندا شىعارىلاتىن) "سپۋتنيك V" ۆاكتسيناسى, وتاندىق QazVac جەنە قىتايلىق Sinopharm كومپانيياسىنىڭ باە-دە ٶندٸرٸلگەن ەكپەسٸ قولدانىلادى.
