Nur-Sultan qalasynyń ákimi Altai Kólginov «karantin uzartylýy múmkin be?» degen suraqqa jaýap berdi, dep habarlaidy QazAqparat.
«Karantinniń uzartylýy nemese aiaqtalýy árqaisysymyzǵa tikelei bailanysty. Buǵan deiin de TJ jariialap, karantin engizip, qatań sharalardy saqtadyq. Bul belgili bir deńgeide kómektesti. Alaida 11 mamyrdan keiin karantin sharalary jeńildegende turǵyndar qaýipsizdik sharalaryn umytty. Naýqastar sany artty. Endi bul qatelikti qaitalamaýymyz kerek. Ózderińiz baiqaǵandai, karantindik rejim durys tásil boldy, dárigerler men memlekettik biýdjetke júkteme túsken joq. TJ kezinde turǵyndar rejimdi saqtap, úide jumyssyz otyrdy. Endi biz eki aptalyq karantin engizýge májbúrmiz», - dedi ákim Ortalyq kommýnikatsiialar qyzmetinde ótken brifingte.
Sonymen birge, ákim dámhana-meiramhanalardyń jazǵy bóliginde jumys isteýge ruqsat berilgenin, úlken qalada suranystyń kóp ekenin eske saldy.
«Eki apta ótedi de ketedi. Árine, kei azamattarǵa kútýge týra keledi. Eger saǵat saiyn sharalardy ustanbasaq, árine, karantindi uzartý kerek bolady. Biraq, biz ony qalamaimyz. Karantin uzartylmaýy úshin ótken qatelikterdi eskerip, olardy qaitalamaýymyz kerek. Osyǵan barlyǵyn shaqyramyz», - dedi Altai Kólginov.
