Tótenshe jaǵdailar ministri Murat Muhanov «Qutqarýshy kúnimen» quttyqtady, dep habarlaidy ult.kz.
Onyń aitýynsha qutqarýshylardyń kásibilikteri men batyldyqtarynyń arqasynda talai adamnyń ómiri saqtalyp, azamattardyń qaýipsizdigi qamtamasyz etilýde.
"Qazirgi tańda birigip, qol jetkizgen jetistikterimiz az emes. Prezidentimiz ben Úkimet tarapynan kórsetilgen senim men qoldaýdyń arqasynda budan da biik jetistikterge jetetinimizge senimdimin.
Qyzmettik mindetterin atqarý kezinde erlikpen qaza tapqan barlyq áriptesterdiń esimderi máńgi el esinde. Jyldar boiy isine adal qyzmet etip, endi ózderiniń bai tájiribelerimen jas urpaqty tárbielep otyrǵan ardagerlerimizge erekshe rizashylyǵymdy bildiremin.
Barshańyzǵa myqty densaýlyq, otbasylaryńyzǵa amandyq, halyqtyń igiligi men qaýipsizdigi úshin atqaratyn qyzmette sáttilik pen tabys tileimin", - dedi Tótenshe jaǵdailar ministri.
