نۇر-سۇلتان قالاسىنىڭ ەكٸمٸ التاي كٶلگٸنوۆ «كارانتين ۇزارتىلۋى مٷمكٸن بە?» دەگەن سۇراققا جاۋاپ بەردٸ, دەپ حابارلايدى قازاقپارات.
«كارانتيننٸڭ ۇزارتىلۋى نەمەسە اياقتالۋى ەرقايسىسىمىزعا تٸكەلەي بايلانىستى. بۇعان دەيٸن دە تج جارييالاپ, كارانتين ەنگٸزٸپ, قاتاڭ شارالاردى ساقتادىق. بۇل بەلگٸلٸ بٸر دەڭگەيدە كٶمەكتەستٸ. الايدا 11 مامىردان كەيٸن كارانتين شارالارى جەڭٸلدەگەندە تۇرعىندار قاۋٸپسٸزدٸك شارالارىن ۇمىتتى. ناۋقاستار سانى ارتتى. ەندٸ بۇل قاتەلٸكتٸ قايتالاماۋىمىز كەرەك. ٶزدەرٸڭٸز بايقاعانداي, كارانتيندٸك رەجيم دۇرىس تەسٸل بولدى, دەرٸگەرلەر مەن مەملەكەتتٸك بيۋدجەتكە جٷكتەمە تٷسكەن جوق. تج كەزٸندە تۇرعىندار رەجيمدٸ ساقتاپ, ٷيدە جۇمىسسىز وتىردى. ەندٸ بٸز ەكٸ اپتالىق كارانتين ەنگٸزۋگە مەجبٷرمٸز», - دەدٸ ەكٸم ورتالىق كوممۋنيكاتسييالار قىزمەتٸندە ٶتكەن بريفينگتە.
سونىمەن بٸرگە, ەكٸم دەمحانا-مەيرامحانالاردىڭ جازعى بٶلٸگٸندە جۇمىس ٸستەۋگە رۇقسات بەرٸلگەنٸن, ٷلكەن قالادا سۇرانىستىڭ كٶپ ەكەنٸن ەسكە سالدى.
«ەكٸ اپتا ٶتەدٸ دە كەتەدٸ. ەرينە, كەي ازاماتتارعا كٷتۋگە تۋرا كەلەدٸ. ەگەر ساعات سايىن شارالاردى ۇستانباساق, ەرينە, كارانتيندٸ ۇزارتۋ كەرەك بولادى. بٸراق, بٸز ونى قالامايمىز. كارانتين ۇزارتىلماۋى ٷشٸن ٶتكەن قاتەلٸكتەردٸ ەسكەرٸپ, ولاردى قايتالاماۋىمىز كەرەك. وسىعان بارلىعىن شاقىرامىز», - دەدٸ التاي كٶلگٸنوۆ.
