«Eńbek resýrstaryn damytý ortalyǵy» AQ málimetinshe, qazan aiynda elektrondy eńbek birjasynda 93 myń vakansiia jáne 54 myń túiindeme jariialanǵan. Onyń ishinde biliktilikti talap etetin sanatqa 65,5 myń vakansiia jáne 34,7 myń túiindeme jatqyzylǵan.
Qyrkúiek aiy boiynsha osyǵan uqsas derektermen salystyrǵanda vakansiialardyń jalpy sany qazan aiynda 7%-ǵa, al biliktilikti talap etetin vakansiialardyń sany 2,9%-ǵa azaiǵan.
Al ornalastyrylǵan túiindemelerdiń sany 21,8%-ǵa, al bilikti eńbekti qajet etetin túiindemelerdiń sany 24%-ǵa azaiǵan.
Máselen, qyrkúiek aiynda 100 myń vakansiia jáne 67 myń túiindeme ornalastyrylǵan, vakansiialardyń 67,4 myńy biliktilikti talap etedi, túiindemelerden 46,9 myńynda biliktilik kórsetilgen.
«Óńirler boiynsha vakansiialardyń eń kóp jiyntyq sany Almaty (9,4%) jáne Qostanai (9%) oblystarynda, bilikti eńbekti qajet etetinderi Qostanai (10,3%) oblystarynda jáne Nur-Sultan qalasynda (10%) ornalastyrylǵan. Bul rette vakansiialardyń jiyntyq sanynyń eń kóp ósýi Batys Qazaqstan (80%-ǵa) jáne Qyzylorda (30%-ǵa) oblystarynda, eń az sany Aqmola oblysynda baiqalady, onda olardyń sany qyrkúiekpen salystyrǵanda 46,3%-ǵa, al Nur-Sultan qalasynda 28%-ǵa qysqarǵan. Qazan aiynda bilikti eńbekke degen qajettilik Batys Qazaqstan jáne Túrkistan oblystarynda tiisinshe 105%-ǵa jáne 40%-ǵa eń kóp ósken. Atalǵan kórsetkish boiynsha Aqmola oblysynda 39%-ǵa jáne Almaty oblysynda 30,5%-ǵa tómendeý baiqalady», – dep atap ótti ERDO Boljamdaý departamentiniń direktory Dmitrii Shýmekov.
Qazan aiynda jumys izdeýshilerdiń eń kóp sany Túrkistan oblysynda (6 myń túiindeme nemese jalpy sannyń 11,1%-y) jáne Jambyl oblysynda (4,7 myń nemese 8,7%-y) boldy. Bilikti eńbek usynatyn qyzmetkerlerge qatysty qazan aiynda Atyraý (3,1 myń nemese jalpy sannyń 9%) jáne Mańǵystaý (3 myń nemese 8,8%) oblystary kósh bastap turdy.
Aqmola (855) jáne Soltústik Qazaqstan (884) oblystarynda myńnan az bilikti jumys izdeýshiler óz túiindemelerin ornalastyrǵan.
Bul rette bilikti jumys izdeýshilerdiń sany qazan aiynda qyrkúiekpen salystyrǵanda Túrkistan (4%-ǵa) jáne Batys Qazaqstan (1,6% – ǵa) oblystarynda ósti, al qalǵan óńirlerde qysqarý baiqalady, bul rette eń úlken qysqarý Nur-Sultan qalasynda (54%-ǵa) jáne Almaty oblysynda (46%-ǵa) baiqalady.
«Suranysqa ie biliktiligi joǵary qyzmetkerlerge keletin bolsaq, sýyq aýa raiynyń jaqyndaýyna bailanysty qazandyqtar men bý mashinalarynyń operatorlary eń kóp suranysqa ie bolýda: qazan aiynda 6 myńnan astam bos jumys orny ornalastyryldy, bul - olardyń jalpy sanynyń 9,3%. Tanymaldylyǵy boiynsha: elektr energiiasyn óndirý boiynsha operatorlar, olarǵa qajettilik 3,2 myńdy nemese 4,9%-dy qurady», – dep qorytyndylady taldaýshy.
Óńirlerde, iaǵni Aqtóbe, Batys Qazaqstan, Qyzylorda jáne Túrkistan oblystarynda boiler operatorlary, al Aqmola, Jambyl, Qaraǵandy, Pavlodar jáne Soltústik Qazaqstan oblystarynda, sondai-aq Shymkent qalasynda elektr energiiasyn óndirý operatorlary suranys boiynsha birinshi orynda.
Óz kezeginde Nur-Sultan jáne Almaty qalalarynda qazan aiynda dúken satýshylaryn, Qostanai oblysynda – júrgizýshilerdi, Mańǵystaý oblysynda – valtsovshikterdi, al Shyǵys Qazaqstan oblysynda – orta mektep muǵalimderin kóbirek izdeidi eken.
