Ótken aptada QR Sybailas jemqorlyqqa qarsy qyzmet 100 sotqa deiingi tergeý amalyn tirkedi. Bul týraly QR Sybailas jemqorlyqqa qarsy is-qimyl agenttiginiń jedel tergeý qyzmetiniń nátijeleri týraly ótken onlain brifingte aityldy, dep habarlaidy QazAqparat.
«Ótken aptada QR Sybailas jemqorlyqqa qarsy qyzmet 100 sotqa deiingi tergeý amalyn tirkedi. 12 sheneýnik ustaldy. 15-ke jýyq qylmystyq oqiǵa birqatar oblystardaǵy jergilikti atqarýshy organdarda, atap aitqanda jer qatynastary jáne qurylys, densaýlyq saqtaý salasynda bolǵan. Mańǵystaý, Soltústik Qazaqstan jáne Shyǵys Qazaqstan oblystarynda bilim berý salasynda sotqa deiingi segiz tergeý tirkeldi», - deidi QR Sybailas jemqorlyqqa qarsy is-qimyl agenttigi seriktestik departamentiniń sarapshysy Syrym Elýbaev.
Onyń aitýynsha, Ishki ister organdarynyń qyzmetkerlerine, onyń ishinde qylmystyq-atqarý júiesi salasyndaǵy is-áreketterge qatysty, Aqtóbe, Qaraǵandy, Atyraý, Qostanai, Túrkistan, Pavlodar, Shyǵys Qazaqstan jáne Batys Qazaqstan oblystarynda 30-ǵa jýyq sotqa deiingi tergeý amaldary júrip jatyr.
«Al Soltústik Qazaqstan jáne Atyraý oblystarynda kóliktik baqylaý salasyndaǵy sotqa deiingi tergeýler tirkeldi. Ótken aptada 11 sot úkimi shyǵaryldy, olardyń ekeýi tótenshe jaǵdai kezinde karantin rejimin buzǵany úshin para alý boiynsha. Para bergen úsh memlekettik mekemeniń basshysy, bir sýdia, ár túrli deńgeidegi eki ákim, ákimdikterdiń eki bas mamany, ishki ister organdarynyń bir qyzmetkeri jáne eki adam sottaldy», - dep atap ótti ol.
