2026 jylǵy shildede «Qazaqmys korporatsiiasy» JShS-da Jedel satyp alý kartasy engizildi. Ol kásiporyndarǵa shuǵyl qajet qural-jabdyqtardy, qosalqy bólshekter men basqa da taýarlyq-materialdyq qundylyqtardy jeńildetilgen tártippen satyp alýǵa múmkindik beredi.
Jedel satyp alý kartasy óndiristik jáne jóndeý jumysy kezinde, sondai-aq apattyq jaǵdaida týyndaityn shuǵyl qajettilikti óteý úshin qoldanylady. Mysaly, qajet material qoimada bolmasa, al onyń jetkizilýin standartty rásim boiynsha kútý jumysty baiaýlatyp, jabdyqtyń toqtap turýyna ákelýi múmkin jaǵdai týyndatsa.
Jumyskerlerdiń ótinishin qaraý nátijesinde karta boiynsha jalpy jyldyq limit 57 mln teńgeden 252 mln teńgege deiin ulǵaityldy. Ár kásiporyn úshin limit 2026 jylǵa josparlanǵan satyp alý kólemi eskerile otyryp esepteldi.
Sonymen qatar ótinimdi kelisý úderisi de qysqartyldy. Atalǵan mehanizmdi ázirleý barysynda ótinimdi bas direktorlar deńgeiinde bekitip, odan keiin Saýda úiiniń direktoryna joldaý kózdelgen bolatyn. Endi ótinimdi zaýyt, kenish nemese shahta direktory bekitedi de, tikelei satyp alýdy úilestirý bólimine jiberedi.
Satyp alýdy rásimdeý úshin qajetti qujattardyń biryńǵai tizbesi belgilendi. Qujat jinaý jáne odan ári súiemeldeý jumysyn Satyp alýdy úilestirý bólimi atqarady. Óndiristik bólimshe ótinim ázirlep, satyp alynǵan taýarlyq-materialdyq qundylyqty qabyldaidy jáne onyń maqsatyna sai paidalanylýyn qamtamasyz etedi.
Kartanyń qoldanysqa engizilgen alǵashqy aiynda 20 bólimshe jalpy quny 6,4 mln teńgeden asatyntaýarlyq-materialdyq qundylyqtyń 71túrin satyp aldy. Olardyń qatarynda óndiristik jáne áleýmettik-turmystyq qajettilikte qoldanylatyn qural-saimandar, qosalqy bólshekter, shyǵys materialdary men jabdyqtar bar. Ár satyp alýǵa bir kún ǵana jumsaldy. Al osyndai taýardy standartty rásim boiynsha satyp alý 88 kúnnen 188 kúnge deiin sozylatyn.
Kompaniia barlyq óńirlerde satyp alýdyń tolyq tsikly aiaqtalǵannan keiin kartany qoldanýdyń alǵashqy nátijesin taldap, kásiporyndarmenkeri bailanys jasaidy. Anyqtalǵan eskertýler mehanizmdi odan ári jetildirý barysynda nazarǵa alynady.
Kompaniia basshylyǵynyń negizgi basymdyqtarynyń biri – qyzmetkerlermen tikelei dialog ornatyp, eńbek ujymdarynyń pikirine qulaq asý. Jedel satyp alýlar kartasynyń engizilýi qyzmetkerlerdiń usynystaryn eskerip, olardy naqty sheshimderge ainaldyrýǵa baǵyttalǵan jańa tásildiń alǵashqy nátijeleriniń biri boldy. Qazirgi ýaqytta maýsym aiynan bastap kompaniia basshylyǵynyń kásiporyndardyń eńbek ujymdarymen ótkizgen kezdesýleri qorytyndysy boiynsha qabyldanǵan sheshimderdi iske asyrý jalǵasýda. Kezdesýler barysynda kóterilgen máseleler boiynsha jaýapty bólimsheler aiqyndalyp, qabyldanǵan sheshimderdiń iske asyrylýy kompaniia basshylyǵynyń turaqty baqylaýynda.
Fotolar: Qazaqmys
