Kórnekti aqyn Ótejan Nurǵalievtiń 80 jyldyq mereitoiyna orai respýblikalyq jyr músháirasy jariialandy.
«Rýhani jańǵyrý» baǵdarlamasy aiasynda kórnekti aqyn Ótejan Nurǵalievtiń 80 jyldyq mereitoiyna orai ótkiziletin respýblikalyq jyr músháirasynyń EREJESI
«Rýhani jańǵyrý» baǵdarlamasy aiasynda Aqtóbe oblysynyń ákimdigi, Baiǵanin aýdanynyń ákimdigi, Q.Jubanov atyndaǵy Aqtóbe óńirlik memlekettik ýniversiteti, «Aqtóbe Media» JShS, Qazaqstan Jazýshylar odaǵy Aqtóbe filialynyń birlesip uiymdastyrýymen kórnekti aqyn Ótejan Nurǵalievtiń 80 jyldyq mereitoiyna orai respýblikalyq jyr músháirasy ótkiziledi. Oǵan 40 jasqa deiingi aqyndar qatysa alady.
Maqsaty: Qazaq poeziiasynyń klassigi Ótejan Nurǵalievtiń shyǵarmashylyǵyn nasihattaý, Aqtóbe óńiriniń rýhani áleýetin dáripteý, jas talanttardyń shyǵarmashylyǵyn qoldaý.
Músháirany ótkizý tártibi men sharttary: Jyr dodasyna qatysatyn aqyndar tómendegi úsh taqyryp boiynsha buryn jariialanbaǵan óleńderin joldaýy tiis:
• «Ózgeshe órilgen ǵumyr» (Ó.Nurǵaliev týraly óleńder);
• «Qutty meken — Aqtóbe»;
• Erkin taqyryp.
Sonymen qatar avtor týraly aqparat bólek failda usynylady, munda qatysýshynyń tolyq aty-jóni, týǵan jyly, jumys orny men qyzmeti, oqý orny men kýrsy, turǵylyqty mekenjaiy, elektrondy poshtasynyń mekenjaiy, telefondary (jumys, uialy), óleńderiniń taqyryby, qysqasha shyǵarmashylyq ómirbaiany, túrli tústi sýreti men jeke kýáliginiń skanerlengen kóshirmeleri jiberilýi tiis. Ekinshi failda baiqaýǵa usynylatyn óleńderi búrkenshik esimmen salynýy kerek.
Óleńder Times New Roman shriftimen (14 rt), 1 aralyq intervalmen, Word mátindik redaktorynda terilip, on.mushaira@mail.ru elektrondy mekenjaiyna 25 qyrkúiekke deiin joldanýy tiis.
Negizgi kezeńder: óleńderdi qabyldaý – 25 qyrkúiekke deiin; irikteý kezeńi – 26 qyrkúiek-5 qazan; qorytyndy – 19 qazan.
Músháira júldeleri: Músháira jeńimpazdary arnaiy diplom jáne syiaqymen marapattalady:
Bas júlde bireý – 500 000 teńge;
I oryn bireý – 400 000 teńge;
II oryn bireý – 300 000 teńge;
III oryn bireý – 200 000 teńge.
