ٶتەجان نۇرعاليەۆتٸڭ 80 جىلدىعىنا ارنالعان جىر مٷشەيراسى جارييالاندى

«رۋحاني جاڭعىرۋ» باعدارلاماسى اياسىندا اقتٶبە وبلىسىنىڭ ەكٸمدٸگٸ, بايعانين اۋدانىنىڭ ەكٸمدٸگٸ, ق.جۇبانوۆ اتىنداعى اقتٶبە ٶڭٸرلٸك مەملەكەتتٸك ۋنيۆەرسيتەتٸ, «اقتٶبە مەديا» جشس, قازاقستان جازۋشىلار وداعى اقتٶبە فيليالىنىڭ بٸرلەسٸپ ۇيىمداستىرۋىمەن كٶرنەكتٸ اقىن ٶتەجان نۇرعاليەۆتٸڭ 80 جىلدىق مەرەيتويىنا وراي رەسپۋبليكالىق جىر مٷشەيراسى ٶتكٸزٸلەدٸ. وعان 40 جاسقا دەيٸنگٸ اقىندار قاتىسا الادى. 

ماقساتى: قازاق پوەزيياسىنىڭ كلاسسيگٸ ٶتەجان نۇرعاليەۆتٸڭ شىعارماشىلىعىن ناسيحاتتاۋ, اقتٶبە ٶڭٸرٸنٸڭ رۋحاني ەلەۋەتٸن دەرٸپتەۋ, جاس تالانتتاردىڭ شىعارماشىلىعىن قولداۋ.

مٷشەيرانى ٶتكٸزۋ تەرتٸبٸ مەن شارتتارى: جىر دوداسىنا قاتىساتىن اقىندار تٶمەندەگٸ ٷش تاقىرىپ بويىنشا بۇرىن جارييالانباعان ٶلەڭدەرٸن جولداۋى تيٸس:

• «ٶزگەشە ٶرٸلگەن عۇمىر» (ٶ.نۇرعاليەۆ تۋرالى ٶلەڭدەر);

• «قۇتتى مەكەن — اقتٶبە»; 

• ەركٸن تاقىرىپ.

سونىمەن قاتار اۆتور تۋرالى اقپارات بٶلەك فايلدا ۇسىنىلادى, مۇندا قاتىسۋشىنىڭ تولىق اتى-جٶنٸ, تۋعان جىلى, جۇمىس ورنى مەن قىزمەتٸ, وقۋ ورنى مەن كۋرسى, تۇرعىلىقتى مەكەنجايى, ەلەكتروندى پوشتاسىنىڭ مەكەنجايى, تەلەفوندارى (جۇمىس, ۇيالى), ٶلەڭدەرٸنٸڭ تاقىرىبى, قىسقاشا شىعارماشىلىق ٶمٸربايانى, تٷرلٸ تٷستٸ سۋرەتٸ مەن جەكە كۋەلٸگٸنٸڭ سكانەرلەنگەن كٶشٸرمەلەرٸ جٸبەرٸلۋٸ تيٸس. ەكٸنشٸ فايلدا بايقاۋعا ۇسىنىلاتىن ٶلەڭدەرٸ بٷركەنشٸك ەسٸممەن سالىنۋى كەرەك.

ٶلەڭدەر Times New Roman شريفتٸمەن (14 رt), 1 ارالىق ينتەرۆالمەن, Word مەتٸندٸك رەداكتورىندا تەرٸلٸپ, on.mushaira@mail.ru ەلەكتروندى مەكەنجايىنا 25 قىركٷيەككە دەيٸن جولدانۋى تيٸس.

نەگٸزگٸ كەزەڭدەر: ٶلەڭدەردٸ قابىلداۋ – 25 قىركٷيەككە دەيٸن; ٸرٸكتەۋ كەزەڭٸ – 26 قىركٷيەك-5 قازان; قورىتىندى – 19 قازان.

مٷشەيرا جٷلدەلەرٸ: مٷشەيرا جەڭٸمپازدارى ارنايى ديپلوم جەنە سىياقىمەن ماراپاتتالادى:

باس جٷلدە بٸرەۋ – 500 000 تەڭگە;
I ورىن بٸرەۋ – 400 000 تەڭگە;
II ورىن بٸرەۋ – 300 000 تەڭگە;
III ورىن بٸرەۋ – 200 000 تەڭگە.