Bloomberg agenttigi "eń bai azamattar ózderiniń úkimetterin qanshalyqty uzaq merzim qarjylandyra alady?" degen saýalǵa jaýap izdedi. Jańa kórsetkish «Robin Gýd indeksi» atalady, - dep jazady «Novaia gazeta»-ǵa silteme jasaǵan NUR.KZ.
Basylym aqparatyna sáikes, osy ataqqa sai keletin eń tabysty adam retinde Kiprdiń munai magnaty Djon Fredriksen tanyldy. Onyń bailyǵy jylyna 10 milliard dollarǵa baǵalanyp otyr. Úlken tabystardy, eldegi kishkene halyqty jáne shaǵyn salyqtardy eskere otyryp, milliarder biýdjettiń 441 kúndik shyǵyndaryn jaba alýy múmkin.
Al eń bai qazaq Bolat Ótemuratovtyń dáýleti memleketti 33 kún boiy qoldaý úshin jetkilikti.
Blýmbergtiń aitýynsha, Ótemuratovtyń bailyǵy 3,3 milliard dollardy quraidy, al Qazaqstan úkimetiniń bir kúndik shyǵyn quny - 101,2 million dollar kóleminde.
Bloomberg
Qytai úkimeti eń kóp shyǵyndarǵa ie. QHR-dyń eń bai turǵyny Djek Manyń (Alibaba-nyń negizin qalaýshy) bailyǵy tórt kúnge ǵana jetkilikti.
Reseidegi eń bai «Severstal» JAQ-nyń basshysy Aleksei Mordashov boldy. Onyń tabysy boiynsha Resei úkimeti eki apta boiy jumys istei alady.
«Robin Hýd indeksin» HVQ-nyń elderdiń úkimettik shyǵystary men milliarderlerdiń menshikti indeksi týraly derekteriniń negizinde Bloomberg qurastyrdy. Zertteý eksperimentindegi qarjylyq taldaýǵa 49 el qatysty.
