Foto: zhankoshturarov instagram paraqshasynan
Qazaqstandyq kásipqoi boksshy Janqosh Turarov Parlament minberinde anasyn týǵan kúnimen quttyqtaǵan depýtat Ardaq Nazarovty qoldap, jazba jariialady, dep habarlaidy Ult.kz.
Onyń pikirinshe depýtat Nazarovtyń bul áreketi oryndy.
"Kez kelgen ata-ananyń eń úlken armany - salihaly urpaq! Allah taǵala er adamnyń jánnatyn anasynyń tabanynyń astyna salyp qoiǵan. Anaǵa qandai qurmet kórsetse de artyq etpeidi. Qudaidan úmiti bar kez-kelgen ata-ana balasynyń dál osylai májiliste otyryp quttyqtaý joldaǵanyn kórse armandary joq shyǵar deimin! Barshamyzǵa osyndai úlgili urpaq ósirýdi buiyrtsyn! Ata-anamyzdyń qartaiǵan shaǵynda urpaǵynyń jetistigin kórip, batasyn bergennen asqan baqyt bar ma?! Óte oryndy, áserli quttyqtaý boldy Aǵatai", – dep jazdy Janqosh Turarov.
Alaida sportshynyń bul pikirin kópshilik qoldai qoimady.
"Eldiń máselesi sheshiletin jerde, týǵan kúnmen quttyqtap otyrý durys emes. Onda kelesi joly ákesin quttyqtasyn, sosyn enesin", – dep narazy bolyp jatqan jeli qoldanýshylar bar.
Aita keteiik, sársenbi kúni Parlament Májilisiniń jalpy otyrysynda depýtat Ardaq Nazarov depýtattyq saýalyn joldamas buryn 70 jasqa tolǵan anasyn týǵan kúnimen quttyqtady.
"Qadirli anashym. Sizdi týǵan kúnińizben shyn júrekten quttyqtaimyn. Sizdiń meiirimge toly júregińizge jáne júzińizden tógilgen nurǵa shomylyp óstim. Áketaiym ekeýińiz qustyń qos qanatyndai máńgi birge bolyp, qudai bere salǵan nemerelerińizdiń qyzyǵyn kórińizder. Anashym, men sizdi jaqsy kóremin. Sizdiń aldyńyzda basymdy iemin", – dedi ol minberden.
Alaida májilismenniń bul sózi úlken daýǵa ulasyp, kópshilik arasynda Ardaq Nazarovty mandatynan aiyrý talap etildi.
