فوتو: zhankoshturarov ينستاگرام پاراقشاسىنان
قازاقستاندىق كەسٸپقوي بوكسشى جانقوش تۇراروۆ پارلامەنت مٸنبەرٸندە اناسىن تۋعان كٷنٸمەن قۇتتىقتاعان دەپۋتات ارداق نازاروۆتى قولداپ, جازبا جارييالادى, دەپ حابارلايدى Ult.kz.
ونىڭ پٸكٸرٸنشە دەپۋتات نازاروۆتىڭ بۇل ەرەكەتٸ ورىندى.
"كەز كەلگەن اتا-انانىڭ ەڭ ٷلكەن ارمانى - ساليحالى ۇرپاق! اللاح تاعالا ەر ادامنىڭ جەنناتىن اناسىنىڭ تابانىنىڭ استىنا سالىپ قويعان. اناعا قانداي قۇرمەت كٶرسەتسە دە ارتىق ەتپەيدٸ. قۇدايدان ٷمٸتٸ بار كەز-كەلگەن اتا-انا بالاسىنىڭ دەل وسىلاي مەجٸلٸستە وتىرىپ قۇتتىقتاۋ جولداعانىن كٶرسە ارماندارى جوق شىعار دەيمٸن! بارشامىزعا وسىنداي ٷلگٸلٸ ۇرپاق ٶسٸرۋدٸ بۇيىرتسىن! اتا-انامىزدىڭ قارتايعان شاعىندا ۇرپاعىنىڭ جەتٸستٸگٸن كٶرٸپ, باتاسىن بەرگەننەن اسقان باقىت بار ما?! ٶتە ورىندى, ەسەرلٸ قۇتتىقتاۋ بولدى اعاتاي", – دەپ جازدى جانقوش تۇراروۆ.
الايدا سپورتشىنىڭ بۇل پٸكٸرٸن كٶپشٸلٸك قولداي قويمادى.
"ەلدٸڭ مەسەلەسٸ شەشٸلەتٸن جەردە, تۋعان كٷنمەن قۇتتىقتاپ وتىرۋ دۇرىس ەمەس. وندا كەلەسٸ جولى ەكەسٸن قۇتتىقتاسىن, سوسىن ەنەسٸن", – دەپ نارازى بولىپ جاتقان جەلٸ قولدانۋشىلار بار.
ايتا كەتەيٸك, سەرسەنبٸ كٷنٸ پارلامەنت مەجٸلٸسٸنٸڭ جالپى وتىرىسىندا دەپۋتات ارداق نازاروۆ دەپۋتاتتىق ساۋالىن جولداماس بۇرىن 70 جاسقا تولعان اناسىن تۋعان كٷنٸمەن قۇتتىقتادى.
"قادٸرلٸ اناشىم. سٸزدٸ تۋعان كٷنٸڭٸزبەن شىن جٷرەكتەن قۇتتىقتايمىن. سٸزدٸڭ مەيٸرٸمگە تولى جٷرەگٸڭٸزگە جەنە جٷزٸڭٸزدەن تٶگٸلگەن نۇرعا شومىلىپ ٶستٸم. ەكەتايىم ەكەۋٸڭٸز قۇستىڭ قوس قاناتىنداي مەڭگٸ بٸرگە بولىپ, قۇداي بەرە سالعان نەمەرەلەرٸڭٸزدٸڭ قىزىعىن كٶرٸڭٸزدەر. اناشىم, مەن سٸزدٸ جاقسى كٶرەمٸن. سٸزدٸڭ الدىڭىزدا باسىمدى يەمٸن", – دەدٸ ول مٸنبەردەن.
الايدا مەجٸلٸسمەننٸڭ بۇل سٶزٸ ٷلكەن داۋعا ۇلاسىپ, كٶپشٸلٸك اراسىندا ارداق نازاروۆتى مانداتىنان ايىرۋ تالاپ ەتٸلدٸ.
