Ulttyq banktiń resmi saitynda teńgedegi salymdardy qorǵaý baǵdarlamasyna qatysty salymshylardyń saýaldaryna jaýap jariialandy, dep habarlaidy QazAqparat.
Qandai salymdar boiynsha ótemaqy alýǵa bolady?
Ulttyq banktiń saityndaǵy jaýapqa súiensek, teńgelik salymdardy qorǵaý baǵdarlamasy keń taralǵan salymdardyń bárine qoldanylady.
Olar:
- jinaq salymdary;
- Qazaqstannyń depozitterge kepildik berý qorynyń jiktemesindegi merzimdi, sondai-aq merzimsiz salymdar;
- «Otbasy» banktegi salymdar, memlekettik bilim berý jinaqtaý júiesi aiasyndaǵy salymdar.
Aqsha qashan tólene bastaidy?
«Birjolǵy syiaqy 2023 jyldyń 23 aqpanynan keiin esepteledi. Al tólem júrgizý kezeńi týraly tiisti normativtik-quqyqtyq akti jariialanǵannan keiin ǵana belgili bolady. Úkimet pen Ulttyq banktiń birlesken málimdemesi boiynsha, 10% ótemaqy biýdjet qarajatynan tólenedi», - delingen bank málimetinde.
Ulttyq bank ótemaqyny alý sharttaryna qatysty aityp ótti.
«Bul boiynsha qorytyndy sharttar, onyń ishinde baǵdarlama ótinim berý sipatynda bola ma nemese ótemaqy barlyq salymshyǵa ádepki qalpy boiynsha eseptele me, ol týraly NQA jobasy bekitilgennen keiin ǵana belgili bolady. Ol úshin resmi resýrstarda jariialanatyn jańalyqtardy baqylap otyrýǵa keńes beremiz. Qazirgi ýaqytta ótinishter qabyldanbaidy», - dep jazlǵanUlttyqbank jaýabynda.
