ۇلتتىق بانكتٸڭ رەسمي سايتىندا تەڭگەدەگٸ سالىمداردى قورعاۋ باعدارلاماسىنا قاتىستى سالىمشىلاردىڭ ساۋالدارىنا جاۋاپ جارييالاندى, دەپ حابارلايدى قازاقپارات.
قانداي سالىمدار بويىنشا ٶتەماقى الۋعا بولادى?
ۇلتتىق بانكتٸڭ سايتىنداعى جاۋاپقا سٷيەنسەك, تەڭگەلٸك سالىمداردى قورعاۋ باعدارلاماسى كەڭ تارالعان سالىمداردىڭ بەرٸنە قولدانىلادى.
ولار:
- جيناق سالىمدارى;
- قازاقستاننىڭ دەپوزيتتەرگە كەپٸلدٸك بەرۋ قورىنىڭ جٸكتەمەسٸندەگٸ مەرزٸمدٸ, سونداي-اق مەرزٸمسٸز سالىمدار;
- «وتباسى» بانكتەگٸ سالىمدار, مەملەكەتتٸك بٸلٸم بەرۋ جيناقتاۋ جٷيەسٸ اياسىنداعى سالىمدار.
اقشا قاشان تٶلەنە باستايدى?
«بٸرجولعى سىياقى 2023 جىلدىڭ 23 اقپانىنان كەيٸن ەسەپتەلەدٸ. ال تٶلەم جٷرگٸزۋ كەزەڭٸ تۋرالى تيٸستٸ نورماتيۆتٸك-قۇقىقتىق اكتٸ جارييالانعاننان كەيٸن عانا بەلگٸلٸ بولادى. ٷكٸمەت پەن ۇلتتىق بانكتٸڭ بٸرلەسكەن مەلٸمدەمەسٸ بويىنشا, 10% ٶتەماقى بيۋدجەت قاراجاتىنان تٶلەنەدٸ», - دەلٸنگەن بانك مەلٸمەتٸندە.
ۇلتتىق بانك ٶتەماقىنى الۋ شارتتارىنا قاتىستى ايتىپ ٶتتٸ.
«بۇل بويىنشا قورىتىندى شارتتار, ونىڭ ٸشٸندە باعدارلاما ٶتٸنٸم بەرۋ سيپاتىندا بولا ما نەمەسە ٶتەماقى بارلىق سالىمشىعا ەدەپكٸ قالپى بويىنشا ەسەپتەلە مە, ول تۋرالى نقا جوباسى بەكٸتٸلگەننەن كەيٸن عانا بەلگٸلٸ بولادى. ول ٷشٸن رەسمي رەسۋرستاردا جارييالاناتىن جاڭالىقتاردى باقىلاپ وتىرۋعا كەڭەس بەرەمٸز. قازٸرگٸ ۋاقىتتا ٶتٸنٸشتەر قابىلدانبايدى», - دەپ جازلعانۇلتتىقبانك جاۋابىندا.
