Otandyq taýarlarǵa indstrialdy sertifikat beriledi. Bul týraly búgin Úkimettiń selektorlyq rejimdegi otyrysynda «Atameken» Ulttyq kásipkerler palatasynyń tóraǵasy Abylai Myrzahmetov aitty, dep habarlaidy QazAqparat tilshisi.
«Qazir bizdiń Zańda júkti kidirtpeý úshin importtalatyn taýarlardy qaýipsizdigin rastaityn qujatsyz, iaǵni sertifikatsyz shartty túrde shyǵarý kórsetilgen. Ótken jyly bul máseleni ózińizdiń tapsyrmańyzben qarap, shartty túrde shyǵarylatyn import taýarlar tiziminen balalar oiynshyǵyn, veleosiped, samokadtardy bala densaýlyǵyna ziianyn tigizetin bolǵandyqtan alyp tastadyq. Shartty túrde shyǵarylatyn taýarlar 60 kúnniń ishinde keden organdaryna sertifikatyn jetkizýi qajet. Al josyqsyz importty alyp kelgen kásipkerler 60 kúnniń ishinde sertifikatyn tapsyrmasa, 20 ailyq eseptik kórsetkish qana aiyppul salynady. Iaǵni, olardyń taǵy da alyp kelýine eshqandai kedergi joq», - dedi ol Premer-Ministrge qarata.
Máselen, onyń dereginshe, ótken jyldyń tórtinshi toqsanynda 11 myńnan astam import taýar Qazaqstan naryǵyna shartty túrde shyǵarylǵan. Sonyń 4 paiyzy, iaǵni 413-i 60 kúnniń ishinde sertifikattardy keden organdaryna jetkizbegen.
«Árine, bul úlken tsifr dep aita almaimyn. Biraq, josyqsyz alyp kelgen importtyń qansha saýda ornyna, qansha tutynýshyǵa jetetindigi barshamyzǵa málim. Bul salada jyldyń ortasyna deiin otandyq kásipkerlerge indýstrialdy sertifikat beriledi. Qazir otandyq káspkerler óndiretin taýarlardyń tizimi qaralýda. Osy tizim daiyn bolǵannan keiin ózimizde óndirilgen taýarlar jaqsy bolsa, onda ony shartty túrde shyǵarylatyn taýarlar tizimine kirgizip, import taýardy alyp tastaý qarastyrylyp jatyr. Bul otandyq kásipkerlerdiń damýyna jaqsy jaǵdai jasar edi», - dedi Abylai Myrzahmetov.
