وتاندىق تاۋارلارعا يندستريالدى سەرتيفيكات بەرٸلەدٸ. بۇل تۋرالى بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىندا «اتامەكەن» ۇلتتىق كەسٸپكەرلەر پالاتاسىنىڭ تٶراعاسى ابىلاي مىرزاحمەتوۆ ايتتى, دەپ حابارلايدى قازاقپارات تٸلشٸسٸ.
«قازٸر بٸزدٸڭ زاڭدا جٷكتٸ كٸدٸرتپەۋ ٷشٸن يمپورتتالاتىن تاۋارلاردى قاۋٸپسٸزدٸگٸن راستايتىن قۇجاتسىز, ياعني سەرتيفيكاتسىز شارتتى تٷردە شىعارۋ كٶرسەتٸلگەن. ٶتكەن جىلى بۇل مەسەلەنٸ ٶزٸڭٸزدٸڭ تاپسىرماڭىزبەن قاراپ, شارتتى تٷردە شىعارىلاتىن يمپورت تاۋارلار تٸزٸمٸنەن بالالار ويىنشىعىن, ۆەلەوسيپەد, ساموكادتاردى بالا دەنساۋلىعىنا زييانىن تيگٸزەتٸن بولعاندىقتان الىپ تاستادىق. شارتتى تٷردە شىعارىلاتىن تاۋارلار 60 كٷننٸڭ ٸشٸندە كەدەن ورگاندارىنا سەرتيفيكاتىن جەتكٸزۋٸ قاجەت. ال جوسىقسىز يمپورتتى الىپ كەلگەن كەسٸپكەرلەر 60 كٷننٸڭ ٸشٸندە سەرتيفيكاتىن تاپسىرماسا, 20 ايلىق ەسەپتٸك كٶرسەتكٸش قانا ايىپپۇل سالىنادى. ياعني, ولاردىڭ تاعى دا الىپ كەلۋٸنە ەشقانداي كەدەرگٸ جوق», - دەدٸ ول پرەمەر-مينيسترگە قاراتا.
مەسەلەن, ونىڭ دەرەگٸنشە, ٶتكەن جىلدىڭ تٶرتٸنشٸ توقسانىندا 11 مىڭنان استام يمپورت تاۋار قازاقستان نارىعىنا شارتتى تٷردە شىعارىلعان. سونىڭ 4 پايىزى, ياعني 413-ٸ 60 كٷننٸڭ ٸشٸندە سەرتيفيكاتتاردى كەدەن ورگاندارىنا جەتكٸزبەگەن.
«ەرينە, بۇل ٷلكەن تسيفر دەپ ايتا المايمىن. بٸراق, جوسىقسىز الىپ كەلگەن يمپورتتىڭ قانشا ساۋدا ورنىنا, قانشا تۇتىنۋشىعا جەتەتٸندٸگٸ بارشامىزعا مەلٸم. بۇل سالادا جىلدىڭ ورتاسىنا دەيٸن وتاندىق كەسٸپكەرلەرگە يندۋستريالدى سەرتيفيكات بەرٸلەدٸ. قازٸر وتاندىق كەسپكەرلەر ٶندٸرەتٸن تاۋارلاردىڭ تٸزٸمٸ قارالۋدا. وسى تٸزٸم دايىن بولعاننان كەيٸن ٶزٸمٸزدە ٶندٸرٸلگەن تاۋارلار جاقسى بولسا, وندا ونى شارتتى تٷردە شىعارىلاتىن تاۋارلار تٸزٸمٸنە كٸرگٸزٸپ, يمپورت تاۋاردى الىپ تاستاۋ قاراستىرىلىپ جاتىر. بۇل وتاندىق كەسٸپكەرلەردٸڭ دامۋىنا جاقسى جاعداي جاسار ەدٸ», - دەدٸ ابىلاي مىرزاحمەتوۆ.
