Qarjy ministrligimen otandyq óndiristi yntalandyrýǵa jáne retteletin satyp alýdaǵy qazaqstandyq qamtý úlesin ulǵaitýǵa baǵyttalǵan Ministrliktiń birqatar buiryqtaryna (QM 2024 jylǵy 29 naýryzdaǵy № 186 buiryǵy) túzetýler engizildi.
Memlekettik satyp alý jáne ulttyq kompaniialardyń satyp alý qaǵidalaryna túzetýler otandyq óndirýshilerge kelesi artyqshylyqtardy kózdeidi:
- 30% mólsherde avansty mindetti túrde tóleý;
- qamtamasyz etýdiń barlyq túrlerinen bosatý (sharttyń oryndalýyn qamtamasyz etý, avansty qamtamasyz etý, sondai-aq dempingke qarsy sharalar qabyldanǵan jaǵdaida qamtamasyz etý somasy);
- sharttyq mindettemelerdi tiisinshe oryndamaǵany úshin turaqsyzdyq aiybyn (aiyppuldy, ósimpuldy) shart somasynan 10%-dan 3%-ǵa deiin tómendetý.
Budan basqa, kvazimemlekettik sektordyń satyp alýlaryna bir kózden alý tásilimen ofteik-kelesimsharttar jasasý, sondai-aq otandyq óndirýshilerden taýarlardy, jumystardy, kórsetiletin qyzmetterdi basym satyp alý (memlekettik satyp alýdaǵy alyp tastaýǵa uqsas) jónindegi erejeler engizildi.
Sonymen qatar, Memleket basshysynyń tapsyrmalaryna sáikes, memlekettik satyp alý rásimderinde otandyq óndirýshilerdi qoldaý jónindegi sharalar Parlament Májilisinde «Memlekettik satyp alý týraly» jańa Zań jobasyn qaraý sheńberinde pysyqtalýda.
