Ishki ister ministrligi esirtki qylmysyna qarsy kúres barysynda Aqmola oblysynda 2 kg gashish arqalaǵan 45 jastaǵy er adamdy ustady. Tergeý barysynda onyń buryn otandyq serialdardyń birinde qylmystyq top basshysynyń rólin somdaǵany anyqtaldy, dep habarlaidy Ult.kz.
Sondai-aq Shymkent qalasynda 1,5 kg a-PVP sintetikasymen Ortalyq Afrika azamaty ustaldy. Ol esirtkini Telegram arqyly satqan. Kúdikti Qazaqstanǵa 2020 jyly tabys tabý maqsatynda kelgen. Onyń jergilikti fýtbol komandalarynyń birinde oinaǵany anyqtaldy.
IIM esirtki qylmysyna qarsy is-qimyl komiteti tóraǵasynyń mindetin atqarýshy Daniiar Meiirhan kúdiktiler ýaqytsha ustaý izoliatoryna qamalǵanyn málimdedi.
