Foto: ashyq derekkóz
2025 jylǵy 1 qazanda Almatyda Qazaqstan men Latviianyń isker toptarynyń qatysýymen biznes-forým ótti. Is-sharaǵa eki elden kelgen 50-ge jýyq kásipker men kompaniia ókilderi qatysty, dep habarlaidy Ult.kz.
Forým barysynda taraptar kólik, logistika jáne saýda salalaryndaǵy yntymaqtastyqty tereńdetý máselelerin talqylady. Qazaqstannan Eýropaǵa baǵyttalǵan júkterdi Latviianyń Riga, Ventspils jáne Liepa porttary arqyly tranzitpen eksporttaý Ortalyq Aziia men Eýropa arasyndaǵy logistikalyq jelide mańyzdy ról atqaratyny atap ótildi.
Jiyn aiasynda áýe qatynastaryn keńeitýge erekshe nazar aýdaryldy. 2026 jyldyń kókteminde SCAT Airlines Qazaqstan men Latviia arasynda tikelei áýe reisin iske qospaq. Bul qadam jolaýshylar tasymalyn jeńildetip qana qoimai, mádeni jáne iskerlik bailanystardy nyǵaityp, týrizm men investitsiialyq jobalardy damytýǵa jańa múmkindikter ashatyny kútiledi.
Sonymen qatar, taraptar temirjol tasymaldary ósiminiń dáleli retinde ekijaqty yntymaqtastyq áleýetin joǵary baǵalap, jańa áýe baǵyty eki el qarym-qatynasyn nyǵaitýdaǵy mańyzdy qadam bolatynyn atap ótti.
