Elimizde ónerkásip oryndarynda jergilikti qamtý úlesin arttyrý maqsatynda KPI indikatory engizildi. Bul týraly QR Indýstriia jáne infraqurylymdyq damý ministri Beibit Atamqulov Úkimet otyrysynda málim etti, dep habarlaidy QazAqparat.
«Memlekettik satyp alýda jergilikti qamtý úlesin arttyrý maqsatynda otandyq ónerkásip salasynda nysanaly indikatorlar (KPI) belgilenip, engizildi. Atap aitqanda, 2021 jylǵa arnalǵan jergilikti qamtýdyń ortasha úlesi mynadai: qurylys materialdaryn óndirý boiynsha 77,3%, jihaz óndirisinde - 68,5%, jeńil ónerkásipte - 65,5%, tselliýloza-qaǵaz salasynda - 53,7%, himiiada - 36,2%, farmatsevtikada - 32,3% jáne mashina jasaýda - 19,5%-dy quraidy», - dedi Beibit Atamqulov.
Sondai-aq, ministr otandyq taýar óndirýshilerge kórsetiletin qoldaýdyń baryn alǵa tartty.
«Ulttyq ekonomikany damytý strategiiasyn iske asyrý aiasynda otandyq óndirýshilerdi qoldaý úshin bizdiń ministrlik júieli sharalar qabyldap jatyr. Atap aitqanda, búginde halyqaralyq mindettemelerge sáikes otandyq óndirýshilerdi qoldaýdyń mehanizmderi ázirlendi. Jańa shara ishki naryqty qamtamasyz etý men uzaq merzimdi tapsyrysty oryndaýǵa baǵyttalǵan. Osy oraida bizdiń ministrlik naryqtaǵy sýbektilerdiń satyp alý júiesine monitoring júrgizdi», - deidi ol.
