QR Parlamenti palatalarynyń birlesken otyrysynda QR Úkimet basshysy Asqar Mamin elimizde avtokólik ónerkásibin damytý jospary týraly aityp berdi, dep habarlaidy QazAqparat tilshisi.
«5 aidyń qorytyndysy boiynsha avtoónerkásip salasy ótken jyldyń sáikes kezeńimen salystyrǵanda 46 paiyzǵa ósti. Osy sala óńdeýshi sektordyń mańyzdy quramdas bóligine ainalýda, sondai-aq onyń ósiminde úlken áleýet bar. Eger de ótken jyly 30 myńǵa jýyq avtomobil shyǵarsaq, biyl 60 myńǵa tarta kólikti usyný josparlanyp otyr», - dedi Mamin.
Osy oraida ol 2021 jylǵa qarai atalǵan kórsetkishti 100 myń avtomobilge jetkizý maqsaty turǵanyn atap ótti.
«Búginde bizde 4,5 millionǵa tarta kólik bar. Onyń ishinde 2,5 milliony 20 jyldan astam ýaqyt boiy paidalanylyp keledi jáne olar taiaý arada ýtilizatsiiaǵa jatqyzylady. Naryq shynymen de aýqymdy. Ony jergilikti óndiris esebinen tolyqtyryp, tiisti qarjylyq tetikterdi usynýdy josparlyp otyrmyz», - dedi Úkimet basshysy.
Avtonesieleý jaǵdaiyna toqtalǵan ol, «Eger de byltyr jeńildikpen avtonesieleý boiynsha 3,2 myń kólikti qarjylandyrsaq, biyl nesieleý kólemin 15 myń kólikke deiin jetkizý josparlanyp otyr. Iaǵni otandyq avtokólikti satyp alýǵa bólinetin nesie kólemin bes esege arttyrmaqpyz», - dedi.
