Tájikstan Respýblikasyndaǵy qazaqstandyq meditsina kúnderi aiasynda A.N. Syzǵanov atyndaǵy Ulttyq ǵylymi hirýrgiia ortalyǵynyń joǵary sanatty mamandary tájikstandyq áriptesteriniń nazaryna birneshe sheberlik sabaqtaryn usyndy, - dep habarlaidy A.N. Syzǵanov atyndaǵy Ulttyq ǵylymi hirýrgiia ortalyǵynyń baspasóz qyzmeti.
A.N. Syzǵanov atyndaǵy UǴHO-nyń Basqarma tóraǵasy, professor B.B. Baimahanov Tájikstan Respýblikasynyń Ulttyq ǵylymi aǵzalardy jáne tinderdi transplantatsiialaý ortalyǵynyń qyzmetkerlerimen birge «Týystyq baýyr transplantatsiiasy» biregei otasyn jasady. Ota sátti aiaqtaldy.
Tájikstannyń Respýblikalyq júrek-tamyr hirýrgiiasy ortalyǵynda endoskopiia bólimshesiniń meńgerýshisi E.B. Abdrashev «Mehanikalyq sary aýrý sindromy kezindegi retrogradtyq aralasýlar» taqyrybynda sheberlik sabaqtaryn ótkizdi. Sheberlik sabaqtarynyń barysynda 4 kúrdeli ota jasaldy. Ota jasalǵan patsientterdiń jai-kúii turaqty.
Bul is-shara Qazaqstan men Tájikstannyń meditsina salasynda tájiribe jáne bilik almasýyna aýqymdy úles qosyp, eki el úshin airyqsha mańyzǵa ie boldy.
