Azamattyq aviatsiiany odan ári damytý boiynsha qabyldanyp jatqan sharalar týraly Premer-Ministr Baqytjan Saǵyntaevtyń tóraǵalyǵymen ótken otyrysta investitsiialar jáne damý ministri Jeńis Qasymbek baiandady, dep habarlaidy "Ult aqparat" Úkimet basshysynyń baspasóz qyzmetine silteme jasap.
Jeńis Qasymbektiń aitýynsha, búgingi tańda qazaqstandyq áýe kompaniialarynan Eýroodaq elderine ushýǵa barlyq shekteýler alynyp tastaldy — bes otandyq áýe kompaniiasy (Air Astana, SCAT, “Komliýks”, “KazEirDjet” jáne Prime Aviation) Eýropaǵa ushýǵa quqyly.
2017 jylǵy 22-30 qarasha aralyǵynda IKAO aviatsiia qaýipsizdigi boiynsha aýdit júrgizgen bolatyn, ol áýejailardyń qaýipsizdik júiesin keshendi tekserýdi kózdeidi. Aldyn ala baǵalaý boiynsha, IKAO sarapshylary Qazaqstannyń edáýir ilgerileýin atap ótti jáne IKAO reitingisinde kórsetkishterimiz jaqsarady dep kútilýde. Resmi nátijeler 2018 jylǵy 1 aqpanǵa qarai jariialanady.
«Memleket basshysynyń tapsyrmasymen «100 naqty qadam» Ult jospary aiasynda salany memlekettik retteýdiń britandyq úlgisine kóshý kútilýde (eskertý — 68 qadam). Bul bilikti inspektorlardyń bolýy boiynsha IKAO tapsyrmasyna sáikes kelýge jáne 80% ushýlardyń qaýipsizdik deńgeii boiynsha alǵa qoiylǵan maqsatqa jetýge múmkindik beredi», — dep atap ótti Jeńis Qasymbek.
Ministr pilottyq rejimde 2017 jylǵy maýsymda «Ekspo-2017» ótkizý kezinde Astana jáne Almaty áýejailary arqyly qazaqstandyq áýe kompaniialarymen tranzitpen ótetin QHR azamattary úshin 72-saǵattyq vizasyz rejim engizilgenin, ol 2018 jyldyń sońyna deiin uzartylǵanyn eske saldy. Tranzittik áleýetti odan ári damytý úshin Úndistannyń tranzittik azamattary úshin sáikes rejim máselesi pysyqtalýda.
Búgingi tańda Qazaqstanda áýe kóligi infraqurylymyn jańǵyrtý is júzinde aiaqtaldy — táýelsizdik alǵan sátten beri 15 ushý-qoný jolaqtary men 11 áýejai terminaly jóndeýden ótti. Shaǵyn aviatsiiany damytý úshin qatty jabyndy 5 aerodrom jáne topyraqty jabyny bar 11 aerodromdy salý jáne jóndeý qarastyrylǵan.
«Barlyǵy 2017 jyly Qazaqstan áýejailary 14,2 mln jolaýshyǵa qyzmet kórsetti, bul 2016 jylǵy kórsetkishten 17% artyq (eskertý — 12,2 mln jolaýshy). Ótken jyly «Nurly jol» baǵdarlamasyn oryndaý aiasynda Astana qalasyndaǵy Nursultan Nazarbaev áýejaiynyń jańa terminalynyń qurylysy aiaqtaldy, ol Astanany Ortalyq Aziia aýmaǵyndaǵy óńirlik hab retinde damytýǵa múmkindik beredi», — dep túiindedi Jeńis Qasymbek.
Talqylaý barysynda «Eir Astana» áýe kompaniiasynyń qyzmeti týraly málimetti onyń prezidenti Piter Foster jetkizdi.
Osy máseleni qorytyndylai kele, Premer-Ministr Baqytjan Saǵyntaev azamattyq aviatsiiany damytý máselesi óte ózekti jáne mańyzdy ekenin atap ótti. Búginde otandyq azamattyq aviatsiianyń infraqurylymy halyqaralyq standarttarǵa sáikes keltirildi. Premer-Ministr jaǵymdy jaǵy retinde 2018 jyly jolaýshylar aǵymynyń 800 myń adamǵa deiin ulǵaiýy josparlanǵanyn atap ótti.
Osyǵan bailanysty Baqytjan Saǵyntaev investitsiialr jáne damý ministrligine ózge de múddeli vedomstvolarmen birge milliard halqy bar Úndistan azamattary úshin 72-saǵattyq vizasyz rejim engizý máselesin qaraýdy tapsyrdy. Budan ózge, sáikes memlekettik organdarǵa otandyq monopoliiaǵa qarsy zańnamaǵa qarsy kelmegen jaǵdaida, áýejailardyń qyzmet kórsetý boiynsha tarifterin olardy tómendetý turǵysynan retteý tapsyryldy.
Tapsyrmalardy oryndaýdy baqylaý Premer-Ministrdiń birinshi orynbasary Asqar Maminge júkteldi.
