Otandastarymyzdyń ortaq qýanyshy

Elimiz Ulttyq valiýta kúnin atap ótip jatqan kezde men alǵash ret ózimizdiń banknotymyz – teńgeni kór­gen jáne qolymda usta­ǵan sátimdi eriksiz eske túsi­re­min. Shynymdy aitsam, ol kezde teńge biz úshin tek satyp alýshy men satý­shy arasyndaǵy aiyrbas quraly ǵana emes, sony­men birge táýelsizdiktiń, mem­lekettiliktiń óte mańyzdy ele­menti, tipti múlde jańa qazaqstandyq dúnietanymdy qalyptastyrý quraly bolady dep oilaǵan emespin. Alǵashqy banknottardyń túp-tórkini Angliiadan bolatyn, biraq búginde ózimiz qoldanyp júrgender – tolyqtai ózimiz­diki, qazaqstandyq.

Qazaqstannyń tarihynda kóptegen dańqty better bar, qazir men solardyń biri – Nursultan Nazarbaev Se­mei iadrolyq poligonyn jap­qan 1990 jyldyń 29 tamyzyn eske túsirgim keledi. Ol kezde áli de Qazaq KSR-i bola­tyn, biraq men qazir bizdiń Prezidentimizdiń sol kez­de qabyldaǵan sheshimi Táýelsizdigimizdiń habarshysy bolǵanyn, onyń bizdiń Kóshbasshymyzdyń jáne eli­mizdiń qandai bolýy múmkin ekenin kórsetkenin túsinip otyrmyn.

Táýelsizdiktiń 25 jyl­dy­ǵyna arnalǵan banknot­ta Tuńǵysh Prezident portre­tiniń beinelenýi –  búkil Qazaqstan halqynyń Nursultan Ábishulynyń óz eli úshin jáne otandastary úshin jasaǵan barlyq jaqsylyq­taryn jaqsy túsinetin­diginiń jáne óte joǵary baǵalai­tyn­dyǵynyń belgisi. Men jańa banknotty qanaǵattaný­shylyq sezimmen qarap shyqtym. Dizainy óte tamasha, birneshe eselengen qorǵa­nysh júiesi bar. Ol Qazaq­stan qoǵamynyń buryn­ǵy­dan beter toptasýyna jáne birigýine jaǵdai jasaityn bolady dep oilaimyn.

Táýelsizdiktiń tól teń­ge­sinde Tuńǵysh Prezi­den­timizdiń tulǵasy beder­lenýi – tarihi oqiǵa. Otan­das­tarymyzdyń ortaq qýanyshy. El mereii eselep ósken 25 jyl ishinde qol jetken tabystar osynyń aiǵaǵy.

Álem memleketteriniń tari­hynda kóshbasshylardy ulttyq valiýtada beineleý dástúri bar. Nelson Man­­dela, Mustafa Kemal Ata­túrik, Li Kýan Iu, Ýinston Cherchil siiaqty tańdaýly tulǵalar tobynan bizdiń Elbasymyzdy kórý zor qýanysh.

Anatolii BAShMAKOV,

L.N.Gýmilev atyndaǵy EUÝ-dyń Qazaqstan halqy Assambleiasy kafedrasynyń meńgerýshisi

Jetistikterimiz –  Elbasynyń eren eńbeginiń nátijesi

Bizdiń elimiz airyqsha tarihi oqiǵanyń – Táýelsizdiktiń jiyrma bes jyldyǵynyń qarsańynda tur. Qazaqstan sekildi jas respýblika úshin bul – óte mańyzdy kún. Bizdiń Konstitýtsiiamyz, egemendigimizdi alǵannan keiin shegendelgen shekaramyz, kók Týymyz, eńseli Eltańbamyz jáne asqaq Ánuranymyz, sodan keiin, bizdiń ulttyq valiýtamyz – teńge – derbestigimizdiń tól nyshandary bolyp tabylady. Osydan jiyrma úsh jyl buryn Memleket basshysy óziniń Jarlyǵymen ulttyq valiýtamyzdyń shyqqanyn jáne onyń ainalymǵa engenin jariialady. Mine, sol kezde elimizdiń taǵy bir mańyzdy irgetasy qalandy.

Qýanyshtysy sol, biz Táýelsizdik merekesi qarsańyndaǵy Ulttyq valiýta kúninde Tuńǵysh Prezidenttiń sýreti men memleketimizdiń simvoly beinelengen on myń teńgelik banknotty shyǵardyq.  Ár eldiń memlekettiginiń qalyptasýyna, damýyna orasan kúsh jumsaǵan kórnekti tulǵalardyń sýretteri tól kýpiýralaryna basylýy álemdik tájiribede ilgeriden bar úrdis.

Osy ýaqytqa deiingi qazaqstandyq teńgelerde bizdiń uly filosoftary­myz­dyń, tarihtaǵy bileý­shi­lerimizdiń, biregei mýzy­kant­tary­myzdyń beinesi bolǵany eldiń esinde. Endi bul qatarǵa Qazaqstannyń Tuń­ǵysh Prezidenti qosyldy. Muny barsha halyqtyń, qoǵamnyń Elbasynyń egemendigimizdi qalyptastyrýdaǵy airyqsha rólin, qaryshtap damýymyzdaǵy baǵa jetpes eńbegin tanýy jáne baǵalaýy dep bilemin. Sondyqtan mundai eskertkish banknottyń paida bolýyn mańyzdy oqiǵalar sanatyna qosýymyz kerek. Bul budan ári damýǵa umtylýymyzdyń jáne ótip bara jatqan jyldyń sátti simvoly bolyp qalary sózsiz.

 Abylai MYRZAHMETOV,

«Atameken» ulttyq kásipkerler palatasynyń basqarma tóraǵasy

Tabystarymyzdy jarqyrata kórsete bileiik

1993 jyly Óskemen qala­syn­da diviziia komandiri bolyp júrgenmin. Birde bizden aqsha tielgen vagondardan jańa ult­tyq valiýtamyzdy túsirýdi sura­dy. Bul qýanysh áli esimde. Óit­keni, biz ártúrli salada – biri­miz general, birimiz muǵalim, biri­miz dánekerleýshi bolyp qyzmet at­qaryp, jumys istesek te, barly­ǵymyzdy bir nárse ǵana biriktiredi, ol – patriotizm. Biz – patriotpyz.

Patriot degenimiz – Otanyn sheksiz súietin, oǵan barlyq kúsh-jigerin jumsaityn, sonyń jolynda erlik jasaityn adam. Al men ózimdi Qazaqstanda turatyndyǵym úshin baqytty sezinemin. 1985 jylǵa deiin Rostov oblysy Novoshahtinsk qalasynda turǵan qarapaiym kenshiniń uly bolǵanymdy maqtan tutamyn. Sodan keiin Qazaqstan Respýblikasy Qarýly Kúshteri Ortalyq áskeri okrýginiń qolbasshysy bolyp, «Astana» óńirlik áskerleri qolbasshylyǵynda qyzmet ettim. Astana qalasynda uiymdastyrylǵan alǵashqy paradty júrgizý men úshin úlken qurmet boldy.

Biz Prezidentimiz úshin jáne elimizdiń igiligi úshin adal qyzmet etýge árqashan daiynbyz. Al Qazaqstan Kóshbasshysy sýrettelgen jańa estelik banknot elimizdiń jiyrma bes jyl boiǵy qadamdary men jetistikteriniń zańdy jalǵasy jáne nátijesi bolyp tabylady.

Vladimir ShATsKOV,

armiia generaly, Qorǵanys ministrligi «Áskeri-tehnikalyq mektebi» RMQK bas direktory

"Egemen Qazaqstan" gazeti