«Qazaqstan jáne otandastar: ortaq murat jolynda»
Ótetin ýaqyty: 11 qazan 2023 jyl.
Ótetin orny: «Rixos President Astana» qonaq úii
«Dúniejúzindegi qandastarymyzdyń basyn týǵan jerde biriktirý – bizdiń qasietti paryzymyz» ©️(QR Prezidenti Q.K. Toqaev)
Qazaqstan Respýblikasynyń Prezidenti Q.K. Toqaevtyń 2023 jyly Túrkistanda ótken Ulttyq quryltaida «Sheteldegi qandastarymyzben tyǵyz qarym-qatynas ornatyp, rýhani bailanysty nyǵaita beremiz. Bul másele – meniń jeke nazarymda», – degen sózi elimizdiń sheteldegi otandastarmen bailanystarynyń tiimdiligin odan ári arttyrý qajettigin bildiredi.
Memleket basshysynyń messedji aiasynda Qazaqstan Respýblikasy Syrtqy ister ministrliginiń bastamasymen «Otandastar qory» kommertsiialyq emes aktsionerlik qoǵamy Qazaqstanda shetel qazaqtarynyń «Otandastar Forýmy» atty kezekti basqosýyn uiymdastyrady.
Forým – sheteldegi etnikalyq qazaqtarmen ózara bailanysty jetildirý jáne olardy elimizdiń turaqty damýyna úlesin qosý joldaryn qarastyratyn jańa formattaǵy basqosý alańy.
Forýmǵa sheteldegi 200-ge jýyq qazaq uiymdarynyń basshylary, belsendi jáne tanymal tulǵalarmen qatar, otandyq ǵylym, bilim, mádeniet, sport, biznes, media, saiasat, qoǵamdyq uiymdar jáne basqa da salalardyń kórnekti ókilderi men belgili qaĭratkerleriniń qatysýy kútilýde.
Forýmnyń maqsaty – sheteldegi qazaq uiymdarymen ózara túrli yntymaqtastyq máselelerin talqylaý; elimizdiń jańa kezeńdegi memlekettik saiasatymen jáne saiasi-ekonomikalyq reformalarymen, sondai-aq ulttyq rýhaniiatqa qatysty zamanaýi trendtermen tanystyrý; sheteldegi qazaqtardy qoldaýda Qazaqstannyń júrgizip otyrǵan saiasaty, sheteldegi qazaq jastaryn Qazaqstanda sapaly bilim alý jáne óz qabiletterin iske asyrý, sondai-aq elge kóship keletin qandastarǵa memleket tarapynan qabyldanyp jatqan qoldaý sharalary týraly aqparattandyrý.
Forým aiasynda «El damýyndaǵy qandastardyń róli», «Otandastardyń intellektýaldyq áleýeti – ulttyq qundylyqtardy ilgeriletý draiveri», «XXI ǵasyrdaǵy qazaq tili jáne búgingi múmkindikteri», «Media jáne zamanaýi trendter» taqyryptary boiynsha sessiialar jáne «Otandastar Qory» KeAQ jańa jobalyr tusaýkeseri men «Taiqazan» forýmnyi qorytyndy sessiiasy ótedi.
Osy oraida elimizdegi buqaralyq aqparat quraldary ókilderin, jýrnalister qaýymyn «Otandastar Forýmyna» belsendi qatysýǵa shaqyramyz.
Forýmǵa qatysýshylar sany shekteýli bolǵandyqtan, oǵan qatysý shaqyrtý arqyly júzege asady.
«Otandastar» forýmy Bas seriktes – «Altyn Qyran Foundation» qoǵamdyq qorynyń qoldaýymen ótýde
Forýmnyń Titýldy demeýshisi – «Sine Midas Stroy» qurylys kompaniiasy;
Demeýshi:
«Rixos President Astana» qonaq úii;
JShS «SHİ»;
Tirkelip, qosymsha aqparat alý úshin:
Telefon: +7 708 631 17 96 (Nurymjan Qasymuly); +7 708 537 5710 (Gúlnar Abaiqyzy);
Pochta: forumotandastar@gmail.com
#Otandastar #Qandastar #Qazaqtar #Otandastarforum2023 #Astana
— Nurbek Daurenbekov
