.jpeg)
Óskemen qalasy Politsiia basqarmasy Patrýldik politsiia batalony inspektory, aǵa leitenant Bekarys Abdoldanov áskeri salada qyzmet etkenine nebári úsh jyl ǵana bolsa da, óz jumysyn jaýapkershilikpen atqaryp keledi. Qyzmet barysyndaǵy erekshe este qalǵan oqiǵanyń birin «Ult» portalynyń tilshisine baiandap berdi.
«Jalpy bizdiń jumys ýaqytqa qaramaidy. Tynyshtyq buzýǵa qatysty oqiǵanyń biri biyl 8 aqpanda oryn aldy. Kúndelikti qyzmetke Nurjan esimdi áriptesim ekeýimiz túsken bolatynbyz. Jumys atqarý barysynda 102 kanalyna Óskemen qalasy, Serikbaev kóshesindegi kóp qabatty turǵyn úide tún tynyshtyǵy buzyldy degen jedel aqparat kelip tústi. Biz shuǵyl qimyldap, oqiǵa ornyna 2-3 minýtta kelip jettik. Toǵyzynshy qabatta eki er adam ishimdik iship, eldiń mazasyn alardai qatty daýyspen sóilesip jatyr eken. Jandaryna jetip, túsindirý jumystaryn júrgizip turǵan sátte sol jaǵynda turǵan azamat áriptesimniń moinyna pyshaqpen jyldam soqqy jasady», - dep eske aldy Bekarys.
Politsiia qyzmetkeriniń aitýynsha, soqqy jasaǵan azamat baspaldaqpen tómen túsip, izin sýytpaq bolǵan. Degenmen olar qaskóidiń artyna qýyp jetip, tutqynǵa alypty.
«Otan qorǵaý – ár azamattyń boryshy» dep biletin Bekarys Abdoldanov bul mamandyq asqan shydamdylyqty, erekshe tózimdilikti talap etetinin de atap ótti.
«Ishki Ister organynda qyzmet atqarý bala kezdegi armanym boldy. Mektep qabyrǵasynda oqyp júrgenimde politsiia qyzmetkerlerine qyzyǵýshylyqpen qaraitynmyn. Eldiń eldigin baqylap, ishki tártibin saqtap, politsiia qyzmetkeri bolý - abyroily is. Shyǵys Qazaqstan saqshylarynyń abyroiyn joǵarylatyp, otanyma adal qyzmet atqarý men úshin úlken qurmet», - dedi ol.
