.jpeg)
ٶسكەمەن قالاسى پوليتسييا باسقارماسى پاترۋلدٸك پوليتسييا باتالونى ينسپەكتورى, اعا لەيتەنانت بەكارىس ابدولدانوۆ ەسكەري سالادا قىزمەت ەتكەنٸنە نەبەرٸ ٷش جىل عانا بولسا دا, ٶز جۇمىسىن جاۋاپكەرشٸلٸكپەن اتقارىپ كەلەدٸ. قىزمەت بارىسىنداعى ەرەكشە ەستە قالعان وقيعانىڭ بٸرٸن «ۇلت» پورتالىنىڭ تٸلشٸسٸنە بايانداپ بەردٸ.
«جالپى بٸزدٸڭ جۇمىس ۋاقىتقا قارامايدى. تىنىشتىق بۇزۋعا قاتىستى وقيعانىڭ بٸرٸ بيىل 8 اقپاندا ورىن الدى. كٷندەلٸكتٸ قىزمەتكە نۇرجان ەسٸمدٸ ەرٸپتەسٸم ەكەۋٸمٸز تٷسكەن بولاتىنبىز. جۇمىس اتقارۋ بارىسىندا 102 كانالىنا ٶسكەمەن قالاسى, سەرٸكباەۆ كٶشەسٸندەگٸ كٶپ قاباتتى تۇرعىن ٷيدە تٷن تىنىشتىعى بۇزىلدى دەگەن جەدەل اقپارات كەلٸپ تٷستٸ. بٸز شۇعىل قيمىلداپ, وقيعا ورنىنا 2-3 مينۋتتا كەلٸپ جەتتٸك. توعىزىنشى قاباتتا ەكٸ ەر ادام ٸشٸمدٸك ٸشٸپ, ەلدٸڭ مازاسىن الارداي قاتتى داۋىسپەن سٶيلەسٸپ جاتىر ەكەن. جاندارىنا جەتٸپ, تٷسٸندٸرۋ جۇمىستارىن جٷرگٸزٸپ تۇرعان سەتتە سول جاعىندا تۇرعان ازامات ەرٸپتەسٸمنٸڭ موينىنا پىشاقپەن جىلدام سوققى جاسادى», - دەپ ەسكە الدى بەكارىس.
پوليتسييا قىزمەتكەرٸنٸڭ ايتۋىنشا, سوققى جاساعان ازامات باسپالداقپەن تٶمەن تٷسٸپ, ٸزٸن سۋىتپاق بولعان. دەگەنمەن ولار قاسكٶيدٸڭ ارتىنا قۋىپ جەتٸپ, تۇتقىنعا الىپتى.
«وتان قورعاۋ – ەر ازاماتتىڭ بورىشى» دەپ بٸلەتٸن بەكارىس ابدولدانوۆ بۇل ماماندىق اسقان شىدامدىلىقتى, ەرەكشە تٶزٸمدٸلٸكتٸ تالاپ ەتەتٸنٸن دە اتاپ ٶتتٸ.
«ٸشكٸ ٸستەر ورگانىندا قىزمەت اتقارۋ بالا كەزدەگٸ ارمانىم بولدى. مەكتەپ قابىرعاسىندا وقىپ جٷرگەنٸمدە پوليتسييا قىزمەتكەرلەرٸنە قىزىعۋشىلىقپەن قارايتىنمىن. ەلدٸڭ ەلدٸگٸن باقىلاپ, ٸشكٸ تەرتٸبٸن ساقتاپ, پوليتسييا قىزمەتكەرٸ بولۋ - ابىرويلى ٸس. شىعىس قازاقستان ساقشىلارىنىڭ ابىرويىن جوعارىلاتىپ, وتانىما ادال قىزمەت اتقارۋ مەن ٷشٸن ٷلكەن قۇرمەت», - دەدٸ ول.
