Foto: Týlegen Madiiardyń jeke arhivinen
Qazaqstan Respýblikasy Konstitýtsiiasynyń 36-shy babynda: «Qazaqstan Respýblikasyn qorǵaý – onyń árbir azamatynyń qasietti paryzy men mindeti» dep jazylǵan. Osy Ata zańymyzdyń qaǵidasy aiasynda egemendi elimizdiń er azamattary ásker qataryna shaqyrylyp, Qazaqstan Respýblikasy Qarýly Kúshteriniń qataryn tolyqtyratyny anyq. Otan aldyndaǵy ózderiniń azamattyq boryshtaryn ótek úshin, aldymen áskeri ómirge beiimdelip, jaýyngerlik daiarlyqtyń túrli ádisterin oryndaýdy úirenedi. Otan aldyndaǵy qyzmetke adal bolýǵa saltanatty túrde Áskeri antty qabyldap,óziniń áskeri mindetin oryndaýǵa kirisedi.
Búgingi bizdiń keiipkerimiz – Otan aldyndaǵy boryshyn abyroimen atqaryp, qazirgi tańda kelisimshart boiynsha áskeri mindetin atqaryp júrgen Qazaqstan Respýblikasy Qarýly Kúshteri Qarý jaraq basqarmasy 31765 áskeri bóliminde kúzet rota serjanty – jaýyngerlik jáne dene daiarlyq jónindegi nusqaýshy aǵa serjant Týlegen Madiiar suhbattasýǵa tartqan edik.
Otan qorǵaýshy Týlegen Madiiar, bizge ózińiz jaily aityp berseńiz? Balalyq kezińizdegi armanyńyz qandai edi?
Men 1997 jyly 30 sáýirde Qaraǵandy oblysy Shet aýdany Jarylǵap batyr aýylynda dúniege keldim. Bala kezden áskeri adam bolýdy armandadym. Balalyq shaqtaǵy qyzyǵýshylyq tanytqan áskeri kinolar men derekti filmder, odan bozbala ómirimdegi kózben kórgen áskeri kiimde júrgen adamdardy biik sanap, búgingi kúnde sol ańsaǵan armanyma jettim dep oilaimyn.
Ómirińizdi áskeri qyzmetpen qalai bailanystyrdyńyz?
Biz ásker qataryna shyqyrylǵanǵa deiingi ýaqytta, mektepte bilim alyp júrgen kezdiń ózinde bizge elimizdiń ásker qataryndaǵy kelisimshart boiynsha qyzmet etý jóninde kóp aitylatyn edi. Sodan men de áskerge shaqyrylmas buryn «....eger de Otan aldyndaǵy boryshymdy óteý úshin sarbazdardyń qataryna qosylsam, odan ári qyzmetimdi kelisimshart boiynsha jalǵastyramyn» - dep, áldeqashan esh oilanbastan sheship qoiǵan bolatynmyn. Sodan bala kezden jetelegen armanyp oryndalyp, shaqyrý qaǵazymen ásker qataryna alyndym. Otan aldyndaǵy boryshymdy Almaty qalasy 7552 áskeri bóliminde abyroimen atqaryp, 2017 jyly Balqash qalasy 31765 áskeri bólimge kelisimshart boiynsha iskeri qyzmetshi bolyp jumysqa ornalastym. Kelisimshart boiynsha áskeri qyzmetti kúzet vzvodynyń sarbazy (atqysh-zenitshi) laýazymynan bastap, búgingi kúnde 31765 áskeri bóliminiń kúzet rotasynyń serjanty – jaýyngerlik jáne dene daiarlyq jónindegi nusqaýshymyń.
Sizge óz beineńizdi bir-eki aýyz sózben jetkizip berińizshi dese, qalaisha sýrettep berer edińiz?
Men óz beinemdi sýrettep berer bolsam, áskeri adam bolýdy bala kezden armandaǵandyqtan, dál qazirgi sátte ózimdi naǵyz Otan qorǵaýshy retindegi óz elimniń shynaiy patrioty retinde sanaimyn.
Sizdi ósirgen áke-sheshe jáne ózińizdiń otbasyńyz týraly aityp ketseńiz?
Ákem – Badygýlov Habdybek Jakenovich, anam - Bolbyrova Zamzagýl Týlegenova Qaraǵandy oblysy Balqash qalasynda turady. Ata-anam zeinetkerler. Otbasymda ómirlik jarym Aqniet ekeýimiz birge 3 ulymyzǵa ónegeli tárbie berip kelemiz.
Ásker salasynda qandai jetistikterge qol jetkizdińiz?
Shynymdy aitsam, merzimdik áskeri qyzmetti ótkerip júrgen ýaqytta, sarbaz retinde jaýyngerlik daiarlyqtaǵy úzdik kórsetkishterimiz úshin bólim komandiriniń qolynan Maqtaý qaǵazyn alǵan sátterde tóbemiz bir kókke jetkendei sezinýshi edik. Qazirgi kelisim shart boiynsha áskeri qyzmette de qur alaqan emespiz. Máselen, 2024 jylǵy oqý jylynyń qorytyndysy boiynsha jaýyngerlik daiarlyqta alda bolyp, bólimniń serjanttar arasynda «Úzdik rota serjanty» ataǵyna qol jetkizdim. Bul – men úshin maqtanysh, bólim komandiriniń tarapynan meniń Otan aldyndaǵy adal qyzmetime bergen ádil baǵasy dep bilemin.
Suhbatyńyzǵa rahmet.
Priozersk garnizonynyń baspasóz hatshysy
Dýman Jumashuly
