Qazirgi álemdik geosaiasy turaqsyzdyq ýaqytynda qorǵanys salasyn damytý mańyzdy baǵyttardyń biri bolyp otyr. Osy rette Qazaqstan turaqty damý júiesine túskenin aitýǵa bolady.
Qazaqstannyń áskeri biýdjeti 2024 jyly shamamen 1,21 mlrd AQSh dollardy qurasa, bul aldyńǵy jyldarmen salystyrǵanda ósim bar ekenin kórsetedi. Memlekettik jospar boiynsha elimizde qorǵanys salasyn damytý áli de jalǵasyn taba beredi.
Qorǵanys salasynyń múmkindikteri eldiń tehnologiialyq, ekonomikalyq ál-aýqatynyń kórsetkishi deýge bolady. Qorǵanys salasyna jańa tehnologiialardy engizý, tsifrlyq dáýirge beiimdeý memlekettiń basty josparlarynyń ishine kiredi.
Qazaqstanda qorǵanys salasynda qyryqqa jýyq ónerkásip jumys isteidi, onda 8 myńnan asa jumysshy bar kórinedi.
Memlekettiń basty strategiialyq baǵyty – jergilikti óndiris úlesin 30%-dan 70%-ǵa deiin ulǵaitý arqyly importqa táýeldilikti azaitý.
