Foto: ashyq derekkóz
Úkimet otyrysynda ǵylym jáne joǵary bilim vitse-ministri Talǵat Eshenqulov Qazaqstanda joǵary bilimniń qoljetimdiligi men sapasyn arttyrýǵa baǵyttalǵan stýdentterdi memlekettik qoldaý sharalary týraly baiandady, dep habarlaidy Ult.kz.
«Sońǵy 5 jylda Qazaqstanda granttar sany 1,4 esege ósti. 2024-2025 oqý jylyna 93 116 grant bólindi. Sonymen qatar biylǵy jyly 1 qyrkúiekten bastap bilim alýshylardyń stipendiiasynyń ólshemi ósedi. Bakalavriat úshin stipendiianyń ólshemi 52 372 teńge, magistratýrada 117 098 teńge jáne doktoranttar úshin 262 500 teńgeni quraityn bolady. Iaǵni, biyl bakalavriat deńgeiinde stipendiia kólemi 2020 jylmen salystyrǵanda 2 esege, al magistratýra jáne doktorantýra deńgeiinde 1,75 esege artady», — dep atap ótti vitse-ministr.
