Óskemen qalasyndaǵy jylý elektr ortalyǵynan aqaý shyqty, dep habarlaidy QazAqparat.
Jylý elektr ortalyǵynan málim etkendei, 27 qarashada saǵat 08:27-de datchikterdiń durys jumys istemeýine bailanysty №15 qazandyq óship qalǵan.
Saǵat 10:05-te atalǵan qazandyq qaita iske qosyldy. Barlyq jabdyqtardyń jumysyn qadaǵalaý kúsheitildi.
Budan bólek, jelilik sýdyń ainalýyna qatysty másele týyndaǵan. Sonyń saldarynan qala turǵyndary úilerinde jylýdyń azaiǵanyna shaǵymdanyp jatyr.
«Qazirgi ýaqytta JEO shtatty rejimde jumys istep tur. Onda 7 qazandyq pen 6 týrboagregat bar. 2 qazandyq agregaty kestege sáikes jóndeýden ótýde. Jóndeý jumystaryn júrgizetin mamandar sany arttyryldy. Jóndeý jumystary aiaqtalǵannan keiin jelilik sýdyń temperatýrasy qalypqa keledi», - delingen aqparatta.
