Foto: ShQO TJD
Óskemen qalasynda turǵyn úide shyqqan órtten er adamnyń denesi tabyldy. Bul týraly Shyǵys Qazaqstan oblystyq tótenshe jaǵdailar departamenti habarlady.
Vedomstvo málimetinshe, órt Cherniahovskii kóshesindegi jeke turǵyn úiden shyqqan. Oqiǵa ornyna jedel jetken qutqarýshylar úidiń bir bólmesinen 1970 jyly týǵan er adamnyń máiitin tapqan. Kóp uzamai tilsiz jaý tolyqtai sóndirildi.
Órttiń jalpy aýmaǵy 44 sharshy metrdi qurady. Qazirgi ýaqytta ottyń shyǵý sebebi anyqtalyp jatyr.
Qutqarýshylar óńir turǵyndaryn órt qaýipsizdigi talaptaryn qatań saqtaýǵa shaqyrdy.
