Foto: instagram.com/novosti__uka
Óskemendegi «Qazmyrysh» metallýrgiia zaýytynda bolǵan jarylystan zardap shekkenderdiń biri aýrýhanada kóz jumdy. Osylaisha, óndiristik apat saldarynan qaza tapqandar sany artty, dep habarlaidy Ult.kz.
Kompaniianyń habarlaýynsha, 5 mamyr kúni Óskemen metallýrgiia kesheninde bolǵan jazataiym oqiǵa kezinde aýyr jaraqat alǵan qyzmetkerlerdiń biri búgin túnde aýrýhanada qaitys bolǵan.
«Qaiǵyly jaǵdaiǵa bailanysty marqumnyń otbasyna jáne barlyq áriptesterine qajetti qoldaý kórsetilip jatyr», – delingen kompaniia málimdemesinde.
Qazirgi ýaqytta oqiǵa ornyndaǵy saldardy joiý jumystary jalǵasýda. Sonymen qatar, memlekettik organdarmen birlesken tergeý amaldary júrgizilip jatyr.
