Foto: Pixabay.com
Óskemen qalasynda mamandandyrylǵan HQO qyzmetkerleri júrgizýshi kýáligine emtihan tapsyrǵandarǵa kómek kórsetemiz dep 40 mln teńgege jýyq syiaqy alǵan. Alaida bul zańsyz áreketteri áshkere bolyp, sotqa tartyldy, dep habarlaidy Kazinform.kz.
Qalalyq №2 sotta «Azamattarǵa arnalǵan úkimet «memlekettik korporatsiiasy» KE AQ ShQO boiynsha filialy Óskemen qalalyq mamandandyrylǵan HQO-nyń 3 qyzmetkerine qatysty qylmystyq is qaraldy.
«Anyqtalǵandai, ortalyq basshysy men eki qyzmetker 2023 jyldyń aqpan-qazan ailary aralyǵynda júrgizýshi kýáligine emtihan tapsyrǵandarǵa kómek kórsetemiz dep 40 mln teńgege jýyq zańsyz syiaqy alǵan. Sot barysynda aiyptalýshylar óz kinálaryn tolyqtai moiyndap, qatty ókinetindikterin jetkizdi», - dep habarlady sottyń baspasóz qyzmeti.
Sot úkimimen filialdyń burynǵy basshysy men bir qyzmetkeri 500 AEK (1 725 000 teńge) kóleminde aiyppul tóleýge mindettelip, 1 jylǵa memlekettik jáne kommertsiialyq emes uiymdarda basshylyq qyzmetterdi atqarý quqyǵynan aiyryldy.
Al taǵy bir qyzmetkerden qylmystyq jolmen alynǵan aqshaǵa satyp alynǵan páteri tárkilenip, úsh jyl merzimge bas bostandyǵyn shekteý jazasy taǵaiyndaldy. Úkim áli zańdy kúshine engen joq.
