Áleýmettik jelide Óskemende jeti jasar balany itter talap óltirgeni týraly habar tarady. Osy oqiǵaǵa qatysty Politsiia departamenti aqparat berdi, dep habarlaidy Sputnik Qazaqstan.
"Biz, "Leshoz" aýlynyń, "Nadejda", "Edelveis" baý-baqsha seriktestiginiń turǵyndary tiisti organdardyń nazar aýdarýyn suraimyz. Búgin itter jeti jasar balany talap tastady. Biz qaýipti aimaqta (qoqys tastaityn aimaq) turatyndyqtan únemi qańǵybas itterdiń shabýylyna tap bolyp otyrmyz", - dep jazdy jergilikti turǵyndar áleýmettik jelide.
Shyǵys Qazaqstan oblysy politsiia departamenti 17 jeltoqsanda Ertis politsiia bólimi osy fakti boiynsha sotqa deiingi tergeýdi bastaǵanyn habarlady. Tiisti sot saraptamasy taǵaiyndalyp, mán-jaidy tolyq anyqtaýǵa baǵyttalǵan qajetti tergeý áreketteri júrgizilip jatyr. Basqa aqparat ázirshe taratylmaityny aityldy.
Biraz buryn Atyraýda qala syrtynda tórt it jasóspirim qyzdy talap tastaǵany habarlandy. Jábirlenýshi aýyr jaǵdaida jansaqtaý bólimine jetkizildi.
