Óskemen qalasynda kásiporyndaǵy 2 adamnyń ólimine qatysty arnaiy komissiia qurylady, dep habarlaidy QazAqparat.
ShQO memlekettik eńbek inspektsiiasy basqarmasynyń basshysy Baqytbek Qizatovtyń aitýynsha, qazirgi ýaqytta kásiporyndaǵy qaiǵyly jaǵdaiǵa qatysty jan-jaqty tekserý júrgizilip jatyr.
«5 qarashada saǵat 17:20 shamasynda «POSUK Titanium» JShS-nyń eki jumysshysy kóz jumdy. Belgili bolǵandai, olar elektrondy-sáýlelik peshte profilaktikalyq jóndeý jumystaryn júrgizip jatqan. Sol jerge basqarma mamandary men prokýratýra qyzmetkerleri shuǵyl kelip jetti. Qazirgi ýaqytta oqiǵanyń sebebi men mán-jaiyn anyqtaityn arnaiy komissiia qurylyp jatyr», - dedi ol.
Baqytbek Qizatov óz sózinde osy jyldyń 9 aiynda óńir kásiporyndarynda 153 jazataiym oqiǵa bolyp, 16 adam kóz jumǵanyn jetkizdi.
