Foto: Polisia.kz
Shyǵys Qazaqstan oblysynda iri kólemdegi alaiaqtyq deregi boiynsha kúdikti anyqtaldy, dep habarlaidy Ult.kz.
Óskemen qalasynyń politsiiasyna jergilikti turǵyn aryzdanǵan. Onyń aitýynsha, tanysy senimine kirip, turǵyn úi satyp alýǵa kómektesemin degen jeleýmen 9 million teńgesin iemdenip ketken.
Jedel-tergeý is-sharalary barysynda 40 jastaǵy kúdiktiniń osyǵan uqsas birneshe alaiaqtyq faktisine qatysy bar ekeni belgili boldy. Tergeý derekterine sáikes, ol azamattarǵa ipotekalyq nesie rásimdep berý, jyljymaityn múlik satyp alýǵa nemese qarajatty tiimdi investitsiialaýǵa kómektesemin dep, aqshalaryn zańsyz iemdenip otyrǵan.
Árbir epizod boiynsha keltirilgen shyǵyn kólemi 3 millionnan 8 million teńgeden asatyny anyqtaldy. Atalǵan faktilerge qatysty sotqa deiingi tergeý bastalyp, qazirgi ýaqytta barlyq qajetti tergeý amaldary júrgizilip jatyr.
