Foto: ashyq derekkóz
Óskemen qalasynyń turǵyny politsiiaǵa aryz túsirip, tanysynyń birlesken biznes ashamyz degen ýádemen ózinen million teńgeden astam aqsha alyp, aitqan ýádesinde turmaǵanyn habarlaǵan. Bul týraly Ult.kz málimdedi.
Tekserý barysynda politseiler kúdiktiniń alaiaqtyq áreketterin aldyn ala josparlaǵanyn jáne birneshe adamdy osylai aldaǵanyn anyqtady. Ol túrli syltaý aityp, keibirine «arzan baǵada kólik alyp beremin», endi birine «qaryzdy ústemaqysymen qaitaramyn» nemese «páter satyp alýǵa kómektesemin» dep sendirgen.
Nátijesinde er adam birneshe azamattyń jalpy somasy 41 million teńgeden asatyn qarajatyn iemdengen. Kúdikti ustalyp, ýaqytsha ustaý izoliatoryna qamaldy.
Qazirgi ýaqytta sotqa deiingi tergeý júrgizilip jatyr. Politseiler onyń ózge de uqsas alaiaqtyq isterge qatysy bar-joǵyn tekserýde.
