فوتو: اشىق دەرەككٶز
ٶسكەمەن قالاسىنىڭ تۇرعىنى پوليتسيياعا ارىز تٷسٸرٸپ, تانىسىنىڭ بٸرلەسكەن بيزنەس اشامىز دەگەن ۋەدەمەن ٶزٸنەن ميلليون تەڭگەدەن استام اقشا الىپ, ايتقان ۋەدەسٸندە تۇرماعانىن حابارلاعان. بۇل تۋرالى Ult.kz مەلٸمدەدٸ.
تەكسەرۋ بارىسىندا پوليتسەيلەر كٷدٸكتٸنٸڭ الاياقتىق ەرەكەتتەرٸن الدىن الا جوسپارلاعانىن جەنە بٸرنەشە ادامدى وسىلاي الداعانىن انىقتادى. ول تٷرلٸ سىلتاۋ ايتىپ, كەيبٸرٸنە «ارزان باعادا كٶلٸك الىپ بەرەمٸن», ەندٸ بٸرٸنە «قارىزدى ٷستەماقىسىمەن قايتارامىن» نەمەسە «پەتەر ساتىپ الۋعا كٶمەكتەسەمٸن» دەپ سەندٸرگەن.
نەتيجەسٸندە ەر ادام بٸرنەشە ازاماتتىڭ جالپى سوماسى 41 ميلليون تەڭگەدەن اساتىن قاراجاتىن يەمدەنگەن. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا سوتقا دەيٸنگٸ تەرگەۋ جٷرگٸزٸلٸپ جاتىر. پوليتسەيلەر ونىڭ ٶزگە دە ۇقساس الاياقتىق ٸستەرگە قاتىسى بار-جوعىن تەكسەرۋدە.
