قازاقستاننىڭ حالىق ەرتٸسٸ, تانىمال اكتەر ەرٸ رەجيسسەر دوسحان جولجاقسىنوۆ 75 جاسقا تولعان مەرەيتويىن الماتىدا اتاپ ٶتتٸ. سالتاناتتى كەشكە ەلٸمٸزدٸڭ ٶنەر, ساياسات جەنە بيزنەس سالاسىنداعى بەلگٸلٸ تۇلعالارى جينالعان. ەلەۋمەتتٸك جەلٸدە مەرەيتويدان تٷسٸرٸلگەن سۋرەتتەر مەن ۆيدەولار كەڭٸنەن تارادى, دەپ حابارلايدى ult.kz.
مەرەيتويعا جينالعان قوناقتاردىڭ اراسىندا قازاقستاننىڭ رەسەيدەگٸ بۇرىنعى ەلشٸسٸ يمانعالي تاسماعامبەتوۆ, بۇرىنعى مەملەكەتتٸك حاتشى قىرىمبەك كٶشەرباەۆ, اعايىندى نىعماتۋليندەر, بۇرىنعى مەملەكەتتٸك قىزمەتكەرلەر تامارا دٷيسەنوۆا, دارحان قالەتاەۆ, قۋانىش سۇلتانوۆ جەنە الماتى وبلىسىنىڭ بۇرىنعى ەكٸمٸ اماندىق باتالوۆ بولعانى حابارلاندى.
جەلٸدە تاراعان مەلٸمەتتەرگە سٷيەنسەك, مەرەكەلٸك كەشتە العاشقى قۇتتىقتاۋ سٶز يمانعالي تاسماعامبەتوۆكە بەرٸلگەن. قوناقتار مەرەيتوي يەسٸنٸڭ قازاق كينوسى مەن تەاتر ٶنەرٸنە قوسقان ٷلەسٸن اتاپ ٶتٸپ, جىلى لەبٸزدەرٸن بٸلدٸرگەن.
مەرەيتويدان كەيٸن دوسحان جولجاقسىنوۆتىڭ جارى قاراگٶز سٷلەيمەنوۆا ەلەۋمەتتٸك جەلٸدەگٸ پاراقشاسىندا كەشتەن تٷسٸرٸلگەن سۋرەتتەردٸ جارييالاپ, قۋانىشتارىن بٶلٸسۋگە كەلگەن قوناقتارعا العىس بٸلدٸردٸ.
"كەشەگٸ كەشتٸڭ جىلۋى ەلٸ دە جٷرەكتە... دوسحاننىڭ 75 جىلدىق مەرەيتويىندا جانىمىزدان تابىلىپ, قۋانىشىمىزدى بٸرگە بٶلٸسكەن بارشا قوناقتارعا شىن جٷرەكتەن العىس ايتامىن. جىلى لەبٸزدەرٸڭٸز, اق تٸلەكتەرٸڭٸز, ىقىلاستارىڭىز بەن قۇرمەتتەرٸڭٸز بۇل كەشتٸ بٸز ٷشٸن ودان سايىن قىمبات ەتتٸ. وسىنداي سەتتەردە قاسىڭدا جٷرگەن ادامداردىڭ قادٸرٸن ەرەكشە سەزٸنەسٸڭ", – دەپ جازدى قاراگٶز سٷلەيمەنوۆا.
وسىلايشا, دوسحان جولجاقسىنوۆتىڭ 75 جىلدىق مەرەيتويى ٶنەر مەن قوعام قايراتكەرلەرٸنٸڭ باسىن قوسقان ايتۋلى كەشتەردٸڭ بٸرٸنە اينالدى.
دوسحان جولجاقسىنوۆ كٸم?
دوسحان قاليۇلى جولجاقسىنوۆ – قازاقستاننىڭ حالىق ەرتٸسٸ, بەلگٸلٸ تەاتر جەنە كينو اكتەرٸ, رەجيسسەر ەرٸ ەنشٸ. ول 1951 جىلى 7 قازاندا شىعىس قازاقستان وبلىسى كٷرشٸم اۋدانىنىڭ بالىقشى اۋىلىندا دٷنيەگە كەلگەن. 2026 جىلى ٶنەر يەسٸ 75 جاسقا تولدى. بولاشاق اكتەر 1969 جىلى قۇرمانعازى اتىنداعى ٶنەر ينستيتۋتىنىڭ تەاتر فاكۋلتەتٸنە تٷسٸپ, كسرو حالىق ەرتٸسٸ حاديشا بٶكەەۆانىڭ شەبەرحاناسىندا بٸلٸم العان.
ەڭبەك جولىن عابيت مٷسٸرەپوۆ اتىنداعى بالالار مەن جاسٶسپٸرٸمدەر تەاترىندا باستاپ, كەيٸن وسى ٶنەر ورداسىنىڭ ديرەكتورى ەرٸ كٶركەمدٸك جەتەكشٸسٸ قىزمەتٸن اتقارعان. شىعارماشىلىق عۇمىرىندا تەاتر ساحناسى مەن كينودا 200-دەن استام كەيٸپكەردٸ سومداعان. ول "گاۋھارتاس" فيلمٸندەگٸ ەسكەربەك رٶلٸ ارقىلى قالىڭ كٶرەرمەنگە كەڭٸنەن تانىلدى. سونداي-اق "دالاداعى قۋعىن", "التىن كٷز", "ومپا", "اق بارىستىڭ ۇرپاقتارى" جەنە "كٶشپەندٸلەر" فيلمدەرٸندە ويناعان. اكتەرلٸك قىزمەتٸمەن قاتار رەجيسسەرلٸك ٶنەردٸ دە مەڭگەرٸپ, تاريحي تۇلعالاردىڭ ٶمٸرٸن ەكرانعا شىعارۋعا دەن قويدى.
2009 جىلى قازاقتىڭ ەيگٸلٸ ەنشٸسٸنە ارنالعان "بٸرجان سال" كٶركەم فيلمٸن تٷسٸردٸ. ال 2015 جىلى ابايدىڭ ەكەسٸ قۇنانباي ٶسكەنبايۇلىنىڭ ٶمٸرٸن باياندايتىن "قۇنانباي" تاريحي فيلمٸنٸڭ رەجيسسەرٸ ەرٸ باستى رٶلدٸ ورىنداۋشىسى بولدى. بۇل تۋىندى قازاق كينو ٶنەرٸندەگٸ ماڭىزدى تاريحي جوبالاردىڭ بٸرٸ رەتٸندە تانىلدى. دوسحان جولجاقسىنوۆ 1995 جىلى قازاقستاننىڭ حالىق ەرتٸسٸ اتاعىن الىپ, 1996 جىلى قىرعىزستاننىڭ ەڭبەك سٸڭٸرگەن ەرتٸسٸ اتاندى. سونداي-اق ول 1996 جەنە 2016 جىلدارى قازاقستان رەسپۋبليكاسىنىڭ مەملەكەتتٸك سىيلىعىنا يە بولدى. ٶنەر سالاسىنداعى ەڭبەگٸ ٷشٸن "قۇرمەت" جەنە "وتان" وردەندەرٸمەن ماراپاتتالعان.
