Foto: ashyq derekkóz
Shyǵys Qazaqstan oblysy boiynsha Qarjy monitoringi agenttiginiń departamenti “Taza Óskemen” kommýnaldyq kásipornynyń burynǵy basshylyǵyna qatysty sotqa deiingi tergeý júrgizip jatyr, dep habarlaidy Ult.kz.
Tergeý dereginshe, kúdiktiler qatarynda kásiporynnyń burynǵy direktory, onyń orynbasary jáne jeke kásipker bar.
Olar 2022–2023 jyldary laýazymdyq ókilettikterin paidalanyp, qalanyń kóshelerin kútip-ustaýǵa bólingen biýdjet qarajatyn ózderimen bailanysy bar kompaniialardyń esepshottaryna zańsyz aýdaryp otyrǵan.
Qylmystyq shemanyń máni – bitým, qum jáne arnaiy tehnikany jalǵa alý boiynsha jalǵan qujattar rásimdeý, sondai-aq buryn ornatylǵan 23 aialdama pavilonyn “qaita jasaý” úshin jalǵan esep berýde bolǵan.
Alynǵan qarajat keiin qolma-qol aqshaǵa ainaldyrylyp, shemaǵa qatysýshylar arasynda bólinip otyrǵan.
Keltirilgen zalaldyń jalpy somasy – 120 mln teńgeden asty.
Tergeý barysynda kúdiktilerdiń zańsyz tabysyna satyp alynǵan “BMW X6M”, “Subaru Forester” avtokólikteri, páterler men jer ýchaskelerine sot sanktsiiasymen tyiym salyndy.
Kásiporynnyń burynǵy direktory eki aiǵa qamaýǵa alyndy.
Tergeý jalǵasyp jatyr.
