Óskemende taksi júrgizýshisi Tórejan telefon alaiaqtarynyń qurbany bola jazdaǵan zeinetkerdi 1,5 million teńgesinen aiyrylyp qalýdan qutqardy, dep habarlaidy ult.kz.
«Eýraziia» birinshi arnasy málimetinshe, júrgizýshi jolaýshynyń mazasyz kúiin baiqap, oǵan qaita-qaita qońyraý shalyp jatqan adamdardyń áreketinen kúmándanǵan. Áieldiń bank shotyndaǵy aqshany «qaýipsiz esepshotqa» aýdarmaq bolǵanyn bilgen soń, kólikti toqtatyp, týystarymen bailanysqan.
Keiin Tórejan alaiaqqa habarlasyp, jolaqysyn tóleýdi suraǵan. Iri somany alýǵa asyqqan qaskói júrgizýshiniń shotyna 2 myń teńge aýdaryp jibergen.
Osydan keiin júrgizýshi zeinetkerdi úiine jetkizip, saqtyq sharalaryn túsindirgen. Onyń qyraǵy áreketin inDrive kompaniiasy arnaiy marapatpen baǵalady.
