Foto: ashyq derekkóz
Shyǵys Qazaqstan oblysynyń ortalyǵynda aliment óndirý máselesi ózekti bolyp otyr. Qazir Óskemen qalasynda 6 myńnan astam aliment óndirý týraly sot sheshimi oryndalýda, al tólemdi ýaqytyly alýyna 8 myńǵa jýyq bala úmit artady, dep habarlaidy Ult.kz.
Soǵan qaramastan, qalada 649 problemalyq óndiris tirkelgen. Boryshkerlerdiń jalpy qaryzy 1 mlrd teńgeden asady. Kóptegen ata-analar mindettemesin oryndaýdan jaltaryp, balalardyń quqyqtary men turmys jaǵdaiyna ziian keltirýde.
Osyǵan bailanysty Óskemen qalasynyń prokýratýrasy atalǵan sanattaǵy isterdi kúsheitilgen baqylaýǵa aldy. Boryshkerlerdiń avtokólikteri ustalyp, olardyń málimetteri «Potok» jáne «Mergen» júielerine engizildi. Júieli túrde tólemeýshiler ákimshilik jáne qylmystyq jaýapkershilikke tartylýda.
Resmi jumysy joq ata-analar jumyspen qamtý ortalyqtaryna jiberilip, olardyń jumysqa ornalasýy turaqty qadaǵalaýda. Sonymen qatar jeke sot oryndaýshylaryna qatysty da tekserýler júrgizilip, tártip buzǵan 25 tulǵa jaýapkershilikke tartylǵan.
Jyl basynan beri balalardyń qajettilikterine baǵyttalǵan 171 mln teńge óndirildi. Bul qarajat – ár balanyń tamaǵyna, kiimine, emine jáne oqýyna jumsalatyn mańyzdy qoldaý.
