Óskemen qalasynda kópqabatty turǵyn úide órt shyqty, dep habarlaidy "Ult aqparat".
ShQO TJD baspasóz qyzmetiniń málimetine súiensek, búgin kópqabatty turǵyn úi podeziniń birinshi qabatynda ornalasqan moped pen jeke zattar órtengen. Oqiǵa ornyna dereý jetken órt sóndirýshiler turǵyndardy qutqarýǵa kiristi. Qaýipsiz jerge kóshirilgen 35 adamnyń ishinde 15 bala bar.
«Sondai-aq baspaldaq arqyly 13 adam qutqaryldy. Onyń ishinde 7 bala men 2 múmkindigi shekteýli jan bolǵan. Tilsiz jaýdyń jalpy aýmaǵy 3 sharshy metrdi quraǵan. Órttiń shyǵý sebebi – otpen abaisyz áreket etýden bolýy múmkin», - dep habarlady vedomstvo ókilderi.
Osy rette, TJD turǵyndarǵa órt qaýipsizdigi erejelerin qatań saqtaý qajettigin eskertedi.
