Óskemende 8 jastan 11 jasqa deiingi úsh oqýshy sheteldik kólikterdi órtegen. Keibir derekter boiynsha, kólikterdiń biri balalardyń muǵalimine tiesili bolǵan, - dep habarlaidy Tengrinews.kz tilshisi "Astana" telearnasyna silteme jasap.
Zardap shekkenderdiń biri politsiiaǵa habarlasqannan keiin beinebaqylaý kamerasy arqyly buzaqylardyń jeke basy anyqtalǵan. Er adam kúndiz BMW-syn úi mańyna qoiyp ketken, keiinirek kórshileri kóligi janyp jatqanyn aitqan.
Politsiia dál osyndai jaǵdaida buryn taǵy eki kólik búlingenin anyqtaǵan. Olar - Lexus jáne Nissan Liberty kólikteri. Balalar bul da ózderiniń isi ekenin moiyndaǵan. Oqýshylardyń is-áreketterinen aitarlyqtai ziian kelgen.
"Politsiia qyzmetkerleri bólimshege 8 jastan 11 jasqa deiingi úsh kámeletke tolmaǵan balany jetkizdi. Qazir bul is boiynsha QK-niń 202-baby 1-bóligi "Bóten múlikti qasaqana joiý nemese búldirý, órteý, jarylys jolymen nemese ózge de jalpy qaýipti tásilmen jasalǵan eleýli zalal keltirdi" boiynsha sotqa deiingi tergeý júrgizilip jatyr", - dedi vedomstvo ókili.
