Óskemen qalasynda qutqarýshylar kólikpen jetý uzaq ýaqytty alatyndyqtan qurǵaq shópti sharpyǵan 8 gektar aýmaqtaǵy órtti aýyzdyqtaý úshin qaiyqpen ketti, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 27 sáýir kúni saǵat 14.47-de Óskemen qalasyndaǵy Ertis ózeniniń sol jaǵalaýynda shóp órtengeni jaily habar túsken. Aldyn ala málimet boiynsha tilsiz jaýdyń jalpy aýdany 8 gektardy quraǵan.
«Oqiǵa ornyna órt sóndirý kólikterimen jetý kóp ýaqytty alady. Sondyqtan jeke quramdy jetkizý úshin qaiyqtar iske qosyldy. Qutqarýshylar arnaiy tehnikadan basqa otty qaqqyshtar men aspaly órt sóndirgishtiń kómegimen aýyzdyqtaidy», - dep habarlady vedomstvo ókilderi.
Oqiǵa ornyna barlyǵy 2 tehnika, 2 qaiyq jáne jeke quramnan 10-nan astam adam jumyldyrylǵan.
