Óskemen qalasyndaǵy kásiporynda eki jumysshy qaza boldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, 5 qarasha kúni Óskemendegi kásiporyndardyń birinde eki jumysshy kóz jumǵan.
«Qalalyq politsiia basqarmasy Ertis politsiia bólimi abaisyzda eki adamnyń ólimine ákep soqtyrǵan eńbekti qorǵaý erejelerin buzý faktisi boiynsha sotqa deiingi tergeý amaldaryn bastady. Qazirgi ýaqytta tiisti sot-meditsinalyq saraptamalar taǵaiyndalǵan. Qylmystyq is júrgizý kodeksiniń 201-baby 1-bóligine sáikes sotqa deiingi tergep-tekserýdiń ózge derekteri jariia etilmeidi», - dep habarlady vedomstvo ókilderi.
Marqum bolǵan er adamdar - 28 jáne 20 jasta. Olardyń neden mert bolǵany anyqtalyp jatyr.
