Óskemen qalasynda esirtki taratýmen ainalysqan eki adamnan 48 býma psihotroptyq zat tárkilendi, dep habarlaidy QazAqparat agenttigi.
ShQO politsiia departamenti baspasóz qyzmetiniń málimetine súiensek, «Refleks» jedel-aldyn alý sharasy barysynda esirtki taratýmen ainalysqan eki adam ustaldy.
Belgili bolǵandai, kúdiktilerdiń biri áli kámelet jasyna tolmaǵan.
«Tártip saqshylary tintý júrgizgende ustalǵandardan elektr taspasyna oralǵan 48 býma tárkilengen. Saraptama kórsetkendei, onyń ishinde salmaǵy 20 gramnan asatyn «Alfa-pirrolidinovalerofenon» psihotroptyq zaty bolǵan. Qazirgi ýaqytta jasóspirim úi qamaǵynda, al onyń sybailasy ýaqytsha ustaý izoliatoryna qamaldy», - delingen aqparatta.
Atalǵan fakti boiynsha QR QK-niń 297-baby 3-bóligi (Esirtki quraldaryn, psihotroptyq zattardy, olardyń analogtaryn ótkizý maqsatynda zańsyz daiyndaý, qaita óńdeý, satyp alý, saqtaý, tasymaldaý, jóneltý ne ótkizý) boiynsha sotqa deiingi tergeý bastaldy.
Kúdiktiler 15 jylǵa deiingi merzimge bas bostandyǵynan aiyrylýy múmkin.
