Óskemende saýda ortalyqtarynyń birindegi dúkennen úsh qulaqqap urlady degen kúdikpen 28 jastaǵy er adam ustaldy, dep habarlaidy ult.kz.
Polisia.kz málimetinshe, politsiiaǵa dúkennen qulaqqaptardyń urlanǵany týraly habarlama túsken. Aldyn ala málimet boiynsha, urlanǵan taýarlardyń jalpy quny 157 myń teńgeden asqan. Osyǵan bailanysty dúken iesine edáýir materialdyq shyǵyn kelgen.
Jedel-izdestirý sharalary barysynda kúdiktiniń jeke basy anyqtalyp, ustaldy. Tergeý kezinde onyń dúkenge eki ret kelgeni belgili bolǵan.
Birinshi ret ol qulaqqaptardyń bir bóligin jasyryn túrde alyp shyǵyp, keiin kezdeisoq ótip bara jatqan adamǵa 10 myń teńgege satyp jibergen. Arada birneshe saǵat ótken soń dúkenge qaita oralyp, qalǵan taýarlardy da urlap, olardy dál sondai somaǵa ótkizgen.
Qazirgi ýaqytta atalǵan fakti boiynsha urlyq belgilerimen sotqa deiingi tergeý júrgizilip jatyr.
Kúdiktige qatysty eshqaida ketpeý jáne ózin durys ustaý týraly mindetteme túrindegi bultartpaý sharasy qoldanyldy.
