Óskemen qalasyndaǵy D.Serikbaev atyndaǵy ShQMTÝ Dúniejúzilik densaýlyq saqtaý uiymynyń retsepti boiynsha antiseptikterdi óndirgeli jatyr, dep habarlaidy "Ult aqparat".
«Tehnikalyq ýniversitettiń laborotoriiasynda zararsyzdandyratyn quraldyń alǵashqy partiiasy – 1 myń litri daiyndaldy. Ol qatań Dúniejúzilik densaýlyq saqtaý uiymynyń retsepti boiynsha ázirlendi. Basty mindet – halyqty qorǵap, koronavirýstyń taralý qaýpin azaitý», - dep habarlaidy QR Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetinen.
ShQMTÝ dezinfektsiialyq zattardy JOO-nyń stýdentteri men oqytýshylaryna, sonymen qatar qajet etken halyqqa tegin taratpaq. Laborotoriia COVID-19 indetimen kúres jónindegi oblystyq shtabpen seriktese jumys júrgizedi. Resmi túrde ruqsat alǵannan keiin JOO tolyqqandy óndiristi de iske qosqaly otyr.
